Alþjóðleg ráðstefna um endurheimt vistkerfa

Jarðvegseyðing, eyðing skóga, votlendis og annarra lykilvistkerfa eru meðal stærstu vandamála  heimsins.  Þetta hefur neikvæð áhrif á matvælaöryggi, vatnsbúskap, líffræðilegan fjölbreytileika og veldur aukningu á gróðurhúsalofttegundum í andrúmslofti. Brýnt er að snúa þessari þróun við með því að byggja upp að nýju vistkerfi sem hafa glatast. 

Dagana 20.-22. október verður alþjóðleg ráðstefna á Selfossi um vistheimt á norðurslóðum. Leiðandi vísindamenn munu þar flytja erindi um m.a. endurheimt dýrastofna, votlendis og skóglendis.