Svandís Svavarsdóttir umhverfis- og auðlindaráðherra
Svandís Svavarsdóttir er fædd 24. ágúst 1964. Eiginmaður Svandísar er Torfi Hjartarson lektor og eiga þau fjögur börn.
Svandís lauk stúdentsprófi frá Menntaskólanum við Hamrahlíð 1983 og BA prófi í almennum málvísindum og íslensku frá Háskóla Íslands 1989 og stundaði MA-nám í íslenskri málfræði 1989-1993.
Hún starfaði sem stundakennari í almennum málvísindum og íslensku við Háskóla Íslands 1990-1994.
Hjá Samskiptamiðstöð heyrnarlausra og heyrnarkskertra við rannsóknir á íslenska táknmálinu 1992-1994.
Var kennslustjóri í táknmálsfræði og táknmálstúlkun við Háskóla Íslands 1994-1998.
Starfaði hjá Samskiptamiðstöð heyrnarlausra og heyrnarskertra við rannsóknir, ráðgjöf og stjórnun 1998-2005.
Framkvæmdastjóri Vinstrihreyfingarinnar – græns framboðs 2005-2006.
Borgarfulltrúi Vinstri grænna 2006-2009.
Formaður VG í Reykjavík 2003-2005.
Fulltrúi í jafnréttisráði 2007-2009.
Varaformaður Sambands íslenskra sveitarfélaga 2007-2009.
Varafulltrúi í menntaráði Reykjavíkurborgar 2004-2006.
Fulltrúi í stjórn ÍTR 2005-2006.
Í Menntaráði Reykjavíkur 2006-2007.
Í Leikskólaráði Reykjavíkur 2006-2007.
Í Borgarráði Reykjavíkur 2007 - 2009.
Í Skipulagsráði Reykjavíkur 2006 - 2009.
Fulltrúi í Stjórn Orkuveitu Reykjavíkur 2007 - 2009.
Fulltrúi í Stjórnkerfisnefnd 2007 - 2009.
Svandís var kosin alþingismaður fyrir Vinstrihreyfinguna grænt framboð í Reykjavíkurkjördæmi Suður 25. apríl 2009. Hún tók við embætti umhverfisráðherra 10. maí 2009 og embætti umhverfis- og auðlindaráðherra 1. september 2012.