Framlengdur frestur vegna landsáætlunar um úrgang
-
Endurvinnanlegt sorp
Umhverfisráðuneytið hefur ákveðið að framlengja frest til að skila inn umsögnum um drög að landsáætlun um meðhöndlun úrgangs fyrir tímabilið 2013-2024. Umsögnum verður nú hægt að skila til 10. september næstkomandi.
Í drögunum er að finna ítarlegt yfirlit yfir núverandi stöðu úrgangsmála á Íslandi, bæði hvað varðar magn einstakra úrgangsflokka og þróun mismunandi leiða í meðhöndlun úrgangs. Þar eru einnig sett fram tímasett markmið sem öll miða að því að bæta nýtingu auðlinda og lágmarka þau neikvæðu áhrif sem myndun og meðhöndlun úrgangs hefur á umhverfið og heilsu manna.
Nánari upplýsingar er að finna í fyrri frétt umhverfisráðuneytisins af drögum að landsáætlun um meðhöndlun úrgangs 2013–2024.
Umsögnum um landsáætlunardrögin skal skilað sem fyrr segir í síðasta lagi 10. september næstkomandi á netfangið postur@umh.stjr.is eða í bréfapósti, merkt Umhverfisráðuneytið, Skuggasund 1, 150 Reykjavík.
Drög að landsáætlun um meðhöndlun úrgangs 2013-2024