Stækkun þjóðgarðsins í Skaftafelli
Á fundi í Skaftafellsstofu í þjóðgarðinum í Skaftafelli í dag, 12. september, kynnti Siv Friðleifsdóttir umhverfisráðherra áætlun um stækkun þjóðgarðsins.
Stækkunin tekur til syðri hluta Vatnajökuls og friðlýsta svæðisins í Lakagígum, en þetta er fyrsta skrefið í stofnun þjóðgarðs sem næði til alls Vatnajökuls í samræmi við samþykkt ríkisstjórnarinnar frá 26. september árið 2000. Með þessari stækkun verður þjóðgarðurinn í Skaftafelli 4.807 km2 og nær til svæðis sem nemur um 57% af Vatnajökli auk Lakagígasvæðisins.
Á fundinum í dag skrifuðu fulltrúar Skaftárhrepps og sveitarfélagsins Hornafjarðar undir yfirlýsingu um að þau séu samþykk stækkuninni fyrir sitt leiti og að á næstunni fari fram kynning á stækkuninni.
Í framhaldi af stækkuninni verða ráðnir verða tveir fastir starfsmenn í stöður landvarða og verður annar þeirra með starfsstöð á Kirkjubæjarklaustri og hinn á Höfn í Hornafirði.
Á vegum umhverfisráðuneytisins verður áfram unnið að því að jökullinn í heild verði innan þjóðgarðs og jafnframt verður unnið að verndun svæða norðan Vatnajökuls í samræmi við tillögur nefndar sem skilaði tillögum til ráðuneytisins í maí sl. um verndun svæðisins.
Fréttatilkynning nr. 34/2004
Umhverfisráðuneytið