Heimsminjanefnd Íslands opnar heimasíðu
Heimsminjanefnd Íslands hefur opnað heimasíðu um heimsminjasamning UNESCO og framkvæmd hans hér á landi. Svandís Svavarsdóttir umhverfisráðherra og Katrín Jakobsdóttir, mennta- og menningarmálaráðherra, opnuð síðuna formlega í gær.
Heimsminjasamningurinn miðar að því að vernda bæði menningarminjar og náttúruminjar sem eru einstakar í heiminum. Á heimasíðunni má finna fréttir af samninginum, upplýsingar um aðild Íslands að honum og um Þingvelli og Surtsey, en það eru þeir staðir á Íslandi sem eru á heimsminjaskrá UNESCO.
Svandís Svavarsdóttir umhverfisráðherra sagði við opnun heimasíðunnar að samstarf umhverfisráðuneytisins og mennta- og menningarmálaráðuneytisins við undirbúning aðildar að samningnum og við framkvæmd hans hefði verið til fyrirmyndar.
Nú er á loka stigi undirbúningur fyrir alþjóðlega tilnefningu víkingaminjastaða sem Ísland hefur verið í forsvari fyrir. Einnig er áhugi fyrir því að tilnefna Vatnajökulsþjóðgarð sem náttúruminjar og torfbyggingar sem menningarminjar.