Opnað fyrir athugasemdir við kolefnisstefnu
Almenningi og fyrirtækjum á Evrópska efnahagssvæðinu er nú gefinn kostur á að gera athugasemdir við tillögur framkvæmdastjórnar Evrópusambandsins um kolefnisstefnu sambandsins. Tillögurnar verða teknar til umfjöllunar hjá ráðherraráði ESB og Evrópuþinginu í vor og mun framkvæmdastjórnin í kjölfarið móta kolefnisstefnu ESB til 2050. Meðal þess sem kemur til skoðunar er hvort sambandið eigi að stefna að 20% eða 30% samdrætti í losun gróðurhúsalofttegunda fyrir árið 2020.
Ísland er aðili að viðskiptakerfi Evrópusambandsins með gróðurhúsalofttegundir (ETS) í samræmi við EES-samninginn.
Framkvæmdastjórnin hefur lagt fram spurningalista fyrir einstaklinga og fyrirtæki. Frestur til að skila inn athugasemdum og tillögum er til 8. desember 2010.