Kynningarfundur um fjármögnunarsjóði
Norrænu fjármögnunarsjóðirnir NEFCO og NOPEF efna til kynningar á starfsemi sjóðanna og möguleikum íslenskra fyrirtækja til að sækja um stuðning á Hótel Nordica Reykjavík fimmtudaginn 15. apríl kl. 8:00-10:00.
NEFCO (Nordic Environment Finance Corporation) fjármagnar verkefni á grannsvæðum Norðurlanda í Austur-Evrópu, Rússlandi, Úkraínu og Hvíta-Rússlandi. Verkefnin skulu miða að því að minnka álag á umhverfið, t.d. við öflun og nýtingu orku, í iðnaði og við meðhöndlun úrgangs. NEFCO er alþjóðleg fjármálastofnun í eigu ríkisstjórna Norðurlandanna.
NOPEF lánar og styrkir lítil og meðalstór fyrirtæki til forathugana á hagkvæmni þess að setja upp starfsemi í löndum utan EES svæðisins. NOPEF starfar á vegum Norrænu ráðherranefndarinnar.
Dagskrá fundarins:
- Setning. Magnús Jóhannesson, ráðuneytisstjóri og fulltrúi í stjórn NEFCO.
- Kynning á starfsemi NEFCO. Magnus Rystedt, framkvæmdastjóri NEFCO.
- Möguleikar fyrir íslensk fyrirtæki. Þórhallur Þorsteinsson, fjárfestingastjóri hjá NEFCO.
- Kynning á starfsemi NOPEF. Brynhildur Bergþórsdóttir, fulltrúi Íslands í stjórn NOPEF.
Að fundinum loknum verða fulltrúar frá sjóðnum með viðtalstíma á hótelinu. Boðið verður upp á morgunverð.
Nauðsynlegt er að skrá þátttöku til umhverfisráðuneytisins í síðasta lagi þriðjudaginn 13. apríl á netfangið [email protected].