Fréttasafn

14.12.2016 : Undirbúningur að gerð landsskýrslu um innleiðingu Árósasamningsins

Umhverfis- og auðlindaráðuneytið undirbýr nú gerð annarrar skýrslu um stöðu innleiðingar Árósasamningsins hér á landi. Skýrslan verður unnin í samráði við umhverfisverndarsamtök og tekur ráðuneytið einnig við öllum ábendingum frá almenningi um efni hennar.

Lesa meira

13.12.2016 : Drög að reglugerð um einnota drykkjarvöruumbúðir í kynningu

Umhverfis- og auðlindaráðuneytið óskar eftir umsögnum um drög að reglugerð um söfnun, endurvinnslu og skilagjald á einnota drykkjarvöruumbúðir.

Lesa meira

7.12.2016 : Drög að reglugerð um umhverfismerki í kynningu

Umhverfis- og auðlindaráðuneytið óskar eftir umsögnum um drög að reglugerð um umhverfismerki. Reglugerðin gildir um norræna umhverfismerkið, Svaninn, og umhverfismerki Evrópusambandsins, Blómið og kveður á um skilyrði fyrir veitingu þessara umhverfismerkja fyrir vörur og þjónustu.

Lesa meira

5.12.2016 : Breyting á reglugerð um starfsleyfi fyrir mengandi atvinnurekstur í umsögn

Umhverfis- og auðlindaráðuneytið óskar eftir umsögnum um breytingu á reglugerð um starfsleyfi fyrir atvinnurekstur sem getur haft í för með sér mengun.

Lesa meira

23.11.2016 : Ný reglugerð um gæði eldsneytis

Umhverfis- og auðlindaráðuneytið hefur gefið út reglugerð um gæði eldsneytis, sem felur í sér breytingar á reglum um fljótandi eldsneyti.

Lesa meira

23.11.2016 : Frumvarp um skipulag haf- og strandsvæða í umsagnarferli

Umhverfis- og auðlindaráðuneytið óskar eftir umsögnum um drög að frumvarpi til laga um skipulag haf- og strandsvæða.

Lesa meira

16.11.2016 : Græn nýsköpun lykill að árangri

Nú er kominn tími til að efna loforð Parísarsamningsins í loftslagsmálum, sagði Sigrún Magnúsdóttir umhverfis- og auðlindaráðherra í ræðu sinni í dag á loftslagsfundi Sameinuðu þjóðanna í Marrakech í Marokkó. 

Lesa meira
Laxá í Kjós

9.11.2016 : Landsskipulagsstefna 2015 – 2026 á rafrænu formi

Landsskipulagsstefnu, sem samþykkt var á Alþingi sl. vor, er nú hægt að nálgast í rafrænu formi á vef Skipulagsstofnunar. Um er að ræða heildstæða stefnu ríkisins á landsvísu um skipulagsmál sem samþættir áætlanir á vegum stjórnvalda um samgöngur, byggðamál, náttúruvernd, orkunýtingu og aðra landnýtingu.

Lesa meira

8.11.2016 : Tækifæri til að draga úr losun frá landbúnaði

Landbúnaðarháskóli Íslands hefur gefið út skýrslu með greiningu á losun gróðurhúsalofttegunda frá íslenskum landbúnaði, en skýrslan er hluti af verkefni innan sóknaráætlunar stjórnvalda í loftslagsmálum.

Lesa meira
Himinn

8.11.2016 : Ný reglugerð um loftmengun og upplýsingagjöf

Umhverfis- og auðlindaráðuneytið hefur gefið út reglugerð sem fjallar m.a. um viðmiðunarmörk nokkurra loftmengunarefna og upplýsingar til almennings.

Lesa meira

4.11.2016 : Parísarsamningurinn gengur í gildi á heimsvísu

Parísarsamningurinn um aðgerðir gegn loftslagsbreytingum gengur í gildi á heimsvísu í dag, 4. nóvember. Samningurinn var samþykktur í París 12. desember 2015. Sigrún Magnúsdóttir umhverfis- og auðlindaráðherra skrifaði undir samninginn fyrir Íslands hönd 22. apríl 2016 og Alþingi samþykkti samhljóða fullgildingu hans 19. september sl. að tillögu utanríkisráðherra. Ísland var þar með meðal fyrstu 55 ríkja sem þurftu að fullgilda til að samningurinn gengi í gildi á heimsvísu. 

Lesa meira

31.10.2016 : Styrkir til verkefna lausir til umsóknar

Opnað hefur verið fyrir umsóknir um styrki til verkefna á sviði umhverfis- og auðlindamála og er umsóknarfrestur til kl. 16:00 1. desember 2016. Skila skal inn umsóknum á rafrænu formi á eyðublaðavef Stjórnarráðsins.

Lesa meira

28.10.2016 : Aðgerðir til að draga úr tjóni bænda af völdum ágangs gæsa og álfta á ræktunarlönd

Umhverfis- og auðlindaráðuneytið og atvinnu- og nýsköpunarráðuneytið hafa ákveðið að unnið verði að aðgerðaáætlun vegna ágangs gæsa og álfta í akra og tún bænda og fela stofnunum sínum að vinna að framgangi hennar.   

Lesa meira
Hofstadir-i-Myvatnssveit

27.10.2016 : Hofstaðir áfram í eigu ríkisins

Sigrún Magnúsdóttir, umhverfis- og auðlindaráðherra, kynnti í gær í ríkisstjórn skýrslu starfshóps sem hafði það verkefni að greina möguleika og vinna tillögur að hugsanlegri uppbyggingu og skipulagi að Hofstöðum í Skútustaðahreppi í Mývatnssveit. Ríkisstjórnin samþykkti að halda jörðinni í eigu ríkisins á meðan skoðaður verði nánar kostnaður við þá uppbygginu sem lögð er til í skýrslunni.

Lesa meira
Vatnajökulsþjóðgarður

27.10.2016 : Ákveðið að hefja vinnu vegna tilnefningar Vatnajökulsþjóðgarðs á heimsminjaskrá UNESCO

Ríkisstjórnin samþykkti á dögunum tillögu umhverfis- og auðlindaráðherra og mennta- og menningarmálaráðherra um að hefja vinnu við tilnefningu Vatnajökulsþjóðgarðs og nokkurra aðliggjandi svæða á heimsminjaskrá UNESCO. Stefnt er að því að umsókn vegna tilnefningarinnar verði komið til skrifstofu heimsminjasamningsins í janúar 2018.

Lesa meira
Sigrún Magnúsdóttir, umhverfis- og auðlindaráðherra ásamt umhverfisnefnd skólans sem skipuð er nemendum og starfsfólki. Sú yngsta í nefndinni tók á móti viðurkenningarskjali ráðherra sem í staðinn fék

26.10.2016 : Ráðherra veitir viðurkenningu fyrir matarsóunarverkefni

Sigrún Magnúsdóttir, umhverfis- og auðlindaráðherra, heimsótti í dag Grunnskólann í Þorlákshöfn og kynnti sér þar matarsóunarverkefni skólans. Við sama tækifæri var hún viðstödd undirritun samstarfssamnings um Þorláksskóga.  

Lesa meira

26.10.2016 : Lifandi kennslustofa um loftslagsbreytingar

Sigrún Magnúsdóttir, umhverfis- og auðlindaráðherra, sótti á dögunum þjóðgarðssvæðið í Skaftafelli heim þar sem hún kynnti sér m.a. undirbúning sýningar sem áformað er að setja upp í Skaftafelli um bráðnun jökla.

Lesa meira

25.10.2016 : Stuðningur við búskaparskógrækt í Vestur – Húnavatnssýslu

Sigrún Magnúsdóttir, umhverfis- og auðlindaráðherra, hefur falið Skógræktinni umsjón með framkvæmd verkefnis í búskaparskógrækt í Vestur – Húnavatnssýslu. Um er að ræða átak til eins ár sem felur m.a. í sér að þróa útfærslur á nýjum skógræktarverkefnum með það að markmiði að bæta búsetuskilyrði, fjölga tækifærum fyrir bændur, auka skógarþekju og brúa bil milli skógræktar og hefðbundins landbúnaðar.

Lesa meira
IMG_9767--2-

19.10.2016 : Samningur um gestastofu á Kirkjubæjarklaustri undirritaður

Sigrún Magnúsdóttir, umhverfis- og auðlindaráðherra, undirritaði í dag á Kirkjubæjarklaustri samning um hönnun gestastofu fyrir Vatnajökulsþjóðgarð. Auk ráðherra undirrituðu samninginn fulltrúar hönnuða og Vatnajökulsþjóðgarðs auk þess sem fulltrúi Framkvæmdasýslu ríkisins staðfesti samninginn.  

Lesa meira
IMG_2610--3-

6.10.2016 : Drög að áætlun um uppbyggingu innviða á ferðamannastöðum til umsagnar

Umhverfis- og auðlindaráðuneytið óskar, í samvinnu við forsætisráðuneytið, atvinnu- og nýsköpunarráðuneytið og Samband íslenskra sveitarfélaga, eftir umsögnum um drög að áætlun um uppbyggingu innviða á ferðamannastöðum, um land allt, til verndar náttúru og menningarminjum. Í áætluninni er sett fram forgangsröðun verkefna sem lagt er til að ráðist verði í á árinu 2017.

Lesa meira
IMG_2605--2-

5.10.2016 : Samstarfssamningur um Hekluskóga undirritaður

Sigrún Magnúsdóttir, umhverfis- og auðlindaráðherra, Árni Bragason landgræðslustjóri og Þröstur Eysteinsson skógræktarstjóri skrifuðu í dag undir fimm ára samning um áframhaldandi endurheimt Hekluskóga.  Árleg fjárveiting til verkefnisins er 27,5 milljónir.

Lesa meira

19.9.2016 : Alþingi samþykkir fullgildingu Parísarsamningsins

Alþingi samþykkti í dag að heimila fullgildingu Parísarsamnings Sameinuðu þjóðanna með öllum greiddum atkvæðum. Þar með verður Ísland meðal fyrstu 55 ríkjanna sem þurfa að fullgilda samninginn til að hann taki gildi.

Lesa meira

16.9.2016 : Viðurkenningar á Degi íslenskrar náttúru

Umhverfis- og auðlindaráðherra, Sigrún Magnúsdóttir, veitti í dag á Degi íslenskrar náttúru, útvarpsþættinum Samfélaginu sem er á dagskrá Rásar 1 á RÚV hljóðvarpi, fjölmiðlaverðlaun umhverfis- og auðlindaráðuneytisins. Við sama tækifæri veitti hún Náttúruverndarviðurkenningu Sigríðar í Brattholti en hana hlutu annars vegar hjónin Kolbrún Ulfsdóttir og Jóhannes Haraldsson á Hótel Rauðuskriðu í Aðaldal og hins vegar Stella Guðmundsdóttir í Heydal í Mjóafirði.

Lesa meira
Samgonguvika-hefst-16.-september

15.9.2016 : Samgönguvika sett á morgun

„Snjallar samgöngur – betri hagur“ er yfirskrift Samgönguviku í ár, en hún verður sett á morgun 16. september, á Degi íslenskrar náttúru. Um er að ræða samevrópska viku sem árlega stendur yfir dagana 16. – 22. september.

Lesa meira
Vatnajökulsþjóðgarður

14.9.2016 : Alþingi samþykkir breytingar á lögum um Vatnajökulsþjóðgarð

Alþingi hefur samþykkt breytingu á lögum um Vatnajökulsþjóðgarð. Breytingarnar eru í samræmi við ákvæði til bráðabirgða í lögum um þjóðgarðinn frá 2007, þar sem kveðið var á um endurskoðun stjórnfyrirkomulags garðsins, en um nýjung var að ræða í stjórnun friðlýstra svæða hér á landi.

Lesa meira

14.9.2016 : Alþingi samþykkir lög um timbur og timburvöru

Alþingi hefur samþykkt ný lög um timbur og timburvöru. Tilgangur laganna er að koma í veg fyrir markaðssetningu á ólöglega höggnum við og vörum úr slíkum viði.

Lesa meira
Alþingi

13.9.2016 : Ráðherra mælir fyrir tillögu til þingsályktunar um rammaáætlun

Sigrún Magnúsdóttir, umhverfis- og auðlindaráðherra, mælti í dag á Alþingi fyrir tillögu til þingsályktunar um áætlun um vernd og orkunýtingu landsvæða, sem í daglegu tali er nefnd rammaáætlun.

Lesa meira

13.9.2016 : Reglugerð um gæði eldsneytis í kynningu

Umhverfis- og auðlindaráðuneytið óskar eftir umsögnum um drög að reglugerð um gæði eldsneytis.

Lesa meira

13.9.2016 : Dagur íslenskrar náttúru nálgast

Undirbúningur vegna Dags íslenskrar náttúru, sem haldinn er hátíðlegur 16. september ár hvert, stendur nú sem hæst. Upplýsingar um viðburði, verkefni og uppákomur sem efnt er til í tilefni dagsins má senda á umhverfis- og auðlindaráðuneytið og verða þær þá birtar á heimasíðu dagsins á vef ráðuneytisins.

Lesa meira
Rjúpa

9.9.2016 : Fyrirkomulag rjúpnaveiða 2016

Umhverfis- og auðlindaráðherra Sigrún Magnúsdóttir hefur ákveðið að fyrirkomulag rjúpnaveiða í ár verði með sama sniði og verið hefur undanfarin þrjú ár. Munu því veiðidagar rjúpu í ár verða tólf talsins sem skiptast á fjórar helgar á tímabilinu 28. október til 20. nóvember 2016. 

Lesa meira

9.9.2016 : Sýningin „Saman gegn sóun“ opnuð í Perlunni

Sigrún Magnúsdóttir, umhverfis- og auðlindaráðherra opnaði sýninguna „Saman gegn sóun“ í Perlunni í dag. Á sýningunni kynna fyrirtæki og opinberir aðilar nýjar leiðir í umhverfismálum á fjölbreyttan hátt.

Lesa meira

9.9.2016 : Aðgerðir til að draga úr notkun plastpoka kynntar

Sigrún Magnúsdóttir, umhverfis- og auðlindaráðherra og Andrés Magnússon, framkvæmdastjóri Samtaka verslunar og þjónustu, undirrituðu í dag samning sem hefur það að markmiði að draga úr notkun léttra burðarplastpoka. Þá hefur ráðherra gefið út aðgerðaáætlun í sama tilgangi. 

Lesa meira

7.9.2016 : Grænt bókhald birt á vef

Umhverfis- og auðlindaráðuneytið hefur frá árinu 2011 haldið sk. grænt bókhald þar sem fram koma upplýsingar um hvernig innkaupum á margvíslegri rekstrarvöru og þjónustu er háttað, aðallega í formi tölulegra upplýsinga. Nú hefur ráðuneytið birt lykiltölur í grænu bókhaldi sínu, hér á vef ráðuneytisins.

Lesa meira

5.9.2016 : Ráðherra ávarpar aðalfund Skógræktarfélags Íslands

Sigrún Magnúsdóttir, umhverfis- og auðlindaráðherra, ávarpaði á dögunum aðalfund Skógræktarfélags Íslands sem haldinn var á Djúpavogi. Þá heimsótti hún fyrirtækið Skógarorku sem rekur viðarkyndistöð á Hallormsstað.

Lesa meira

1.9.2016 : Skógræktin og Héraðsprent heimsótt

Sigrún Magnúsdóttir, umhverfis- og auðlindaráðherra, heimsótti höfuðstöðvar Skógræktarinnar á Austurlandi í dag. Þá afhenti hún Héraðsprenti á Egilsstöðum staðfestingu á því að fyrirtækið er nú komið með norræna umhverfismerkið Svaninn.

Lesa meira

1.9.2016 : Þingsályktun um rammaáætlun lögð fyrir Alþingi

Sigrún Magnúsdóttir, umhverfis- og auðlindaráðherra, hefur að höfðu samráði við Ragnheiði Elínu Árnadóttur, iðnaðar- og viðskiptaráðherra, ákveðið að leggja fram á Alþingi tillögu til þingsályktunar um vernd og orkunýtingu landsvæða. Tillagan er samhljóða niðurstöðum verkefnisstjórnar 3. áfanga rammaáætlunar, sem skilaði ráðherra lokaskýrslu sinni síðastliðinn föstudag.

Lesa meira

31.8.2016 : Parísarsamningurinn fyrir Alþingi

Lilja Alfreðsdóttir, utanríkisráðherra mun á næstunni leggja þingsályktunartillögu um fullgildingu Parísarsamningsins í loftslagsmálum fyrir Alþingi. Sigrún Magnúsdóttir, umhverfis- og auðlindaráðherra, kynnti tillögu þess efnis í ríkisstjórn í gær fyrir hönd utanríkisráðherra.

Lesa meira

31.8.2016 : Aðgerðaáætlun um notkun varnarefna komin út

Umhverfis- og auðlindaráðuneytið hefur gefið út aðgerðaáætlun um notkun varnarefna til ársins 2031. Áætluninni er ætlað að ýta undir þróun nýrra varna í plöntuvernd og innleiða aðferðir sem ekki byggja á notkun efna, í því skyni að draga úr notkun þeirra við matvælaframleiðslu.

Lesa meira
Verkefnisstjórn 3. áfanga rammaáætlunar afhenti ráðherra lokaskýrslu sína í dag.

26.8.2016 : Verkefnisstjórn rammaáætlunar skilar ráðherra tillögum sínum

Verkefnisstjórn 3. áfanga rammaáætlunar skilaði í dag umhverfis- og auðlindaráðherra tillögum sínum að flokkun virkjunarkosta.

Lesa meira

26.8.2016 : Nefnd sem skoðar forsendur fyrir stofnun miðhálendisþjóðgarðs tekin til starfa

Nefnd, sem umhverfis- og auðlindaráðherra, hefur skipað og falið hefur verið að kanna forsendur fyrir stofnun þjóðgarðs innan svokallaðrar miðhálendislínu, hefur tekið til starfa. Nefndin á að draga saman helstu sjónarmið og fyrirliggjandi þekkingu er varðar nýtingu og vernd miðhálendisins, með langtímahagsmuni þjóðarinnar að leiðarljósi.

Lesa meira

13.8.2016 : Skóflustunga tekin að þjóðgarðsmiðstöð á Hellissandi

Sigrún Magnúsdóttir, umhverfis- og auðlindaráðherra, tók fyrstu skóflustunguna að nýrri þjóðgarðsmiðstöð fyrir Þjóðgarðinn Snæfellsjökul í gær á Hellissandi. Þá setti ráðherra málþing um framtíð Þjóðgarðsins í kjölfarið.

Lesa meira

12.8.2016 : Ráðherra opnar sýningu á Brjánslæk um Surtarbrandsgil

Sigrún Magnúsdóttir, umhverfis- og auðlindaráðherra, opnaði í dag sýningu um náttúruvættið Surtarbrandsgil í gamla prestbústaðinum á Brjánslæk.

Lesa meira

12.8.2016 : Ofanflóðavarnargarður vígður á Bíldudal

Sigrún Magnúsdóttir, umhverfis- og auðlindaráðherra, opnaði formlega snjóflóðamannvirki við Búðargil á Bíldudal í gær.  Þar með er lokið fyrsta áfanga ofanflóðavarna á Bíldudal.

Lesa meira

15.7.2016 : Endurheimt votlendis í landi Bessastaða hluti aðgerða í sóknaráætlun í loftslagsmálum

Forseti Íslands, herra Ólafur Ragnar Grímsson, Sigrún Magnúsdóttir, umhverfis- og auðlindaráðherra og Árni Bragason, landgræðslustjóri, undirrituðu í dag samstarfssamning um endurheimt votlendis við Bessastaði. Um leið hófust þau handa við verkið með því að setja fyrstu skóflufyllirnar af mold ofan í skurð í landi Bessastaða. Þar með var ýtt úr vör verkefni við endurheimt votlendis sem er hluti af sóknaráætlun stjórnvalda í loftslagsmálum.

Lesa meira

13.7.2016 : Fundað um ferskvatn og loftslagsbreytingar

Loftslagsbreytingar og áhrif þeirra á vatnsbúskap voru í brennidepli á fundi evrópskra umhverfisráðherra í Bratislava í Slóvakíu 11.-12. júlí. Sigrún Magnúsdóttir umhverfis- og auðlindaráðherra sótti fundinn fyrir Íslands hönd. Ráðherra sagði að hröð rýrnun jökla væri áhyggjuefni, en hún gæti meðal annars haft áhrif á vatnsbúskap og nýtingu vatnsorku.

Lesa meira

12.7.2016 : Umsagnir óskast um reglugerð um varnir gegn olíumengun frá starfsemi í landi

Umhverfis- og auðlindaráðuneytið óskar eftir umsögnum um drög að reglugerð um varnir gegn olíumengun frá starfsemi í landi. Um er að ræða endurskoðun á samnefndri reglugerð nr. 35/1994.

Lesa meira

8.7.2016 : Vinna við uppbyggingu innviða á ferðamannastöðum hafin

Sigrún Magnúsdóttir, umhverfis- og auðlindaráðherra hefur skipað verkefnisstjórn, sem gera á tillögur um uppbyggingu innviða á ferðamannastöðum um land allt. Skipan verkefnisstjórnarinnar er í samræmi við ný lög sem Alþingi samþykkti í vor.

Lesa meira

1.7.2016 : Skýrsla starfshóps um Friðland að fjallabaki

Starfshópur sem umhverfis- og auðlindaráðherra skipaði hefur skilað skýrslu sinni um Friðland að Fjallabaki. Í skýrslunni eru ýmsar tillögur um hvernig megi styrkja innviði friðlandsins, efla stjórnun og starfsemi auk þess sem hópurinn telur áhugavert og unnt að skapa skilyrði til stækkunar svæðisins.

Lesa meira

29.6.2016 : Gestastofa í þjóðgarðinum Snæfellsjökli að Malarrifi opnuð

Margmenni var við opnun gestastofu að Malarrifi í gær, sama dag og Þjóðgarðurinn Snæfellsjökull hélt upp á 15 ára afmæli sitt. Enduropnuð var sýning um náttúru og sögu þjóðgarðsins í húsnæði þjóðgarðsins að Malarrifi sem hefur nú verið gert upp með glæsibrag. Sigrún Magnúsdóttir, umhverfis- og auðlindaráðherra, opnaði gestastofuna formlega og flutt voru ávörp frá fulltrúum þjóðgarðsins, Umhverfisstofnunar og sveitarfélagsins Snæfellsbæjar.

Lesa meira

29.6.2016 : Tillögur að aðgerðum til að draga úr notkun plastpoka kynntar fyrir ráðherra

Starfshópur hefur skilað Sigrúnu Magnúsdóttur, umhverfis- og auðlindaráðherra, tillögum að aðgerðum til að draga úr notkun plastpoka hér á landi. Ráðherra skipaði starfshópinn í lok janúar síðastliðinn með það að markmiði að hægt verði að draga úr notkun burðarplastpoka í áföngum.

Lesa meira

22.6.2016 : Óskað eftir tilnefningum til verðlauna á Degi íslenskrar náttúru

Umhverfis- og auðlindaráðuneytið auglýsir eftir tilnefningum til tvennra verðlauna sem afhent verða á Degi íslenskrar náttúru, 16. september næstkomandi. Annars vegar er um að ræða Fjölmiðlaverðlaun umhverfis- og auðlindaráðuneytisins og hins vegar Náttúruverndarviðurkenningu Sigríðar í Brattholti.

Lesa meira
Mývatn

20.6.2016 : Samstarfshópur um málefni Mývatns skilar skýrslu til ráðherra

Samstarfshópur um málefni Mývatns hefur skilað skýrslu með ábendingum og samantekt á upplýsingum um ástand vatnsins og mögulegar aðgerðir til að draga úr neikvæðum áhrifum og efla rannsóknir og vöktun. Í skýrslunni segir m.a. að rétt sé að ríkisvaldið og Skútustaðahreppur vinni saman að umbótum í fráveitumálum og öðrum aðgerðum til að draga úr innstreymi næringarefna í Mývatn.

Lesa meira

15.6.2016 : Tvö íslensk smáforrit tilnefnd til umhverfisverðlauna Norðurlandaráðs

Tvö íslensk smáforrit eru tilnefnd til umhverfisverðlauna Norðurlandaráðs í ár. Annars vegar er um að ræða smáforritið e1 sem tengir saman rafbílaeigendur og eigendur hleðslustöðva og hins vegar Strætó-appið, en með því geta farþegar keypt farmiða í strætó og fylgst með ferðum hans.

Lesa meira
Byggingakranar.

15.6.2016 : Breyting á byggingarreglugerð og ný reglugerð um birtingar staðla í umsögn

Umhverfis- og auðlindaráðuneytið óskar eftir umsögnum um drög að breytingu á byggingarreglugerð og nýrri reglugerð um birtingu tilvísana til staðla um byggingarvörur.

Lesa meira

14.6.2016 : Nefnd skoði grundvöll fyrir miðhálendisþjóðgarði

Umhverfis- og auðlindaráðherra hefur ákveðið að setja á fót nefnd sem falið verður að kanna forsendur fyrir stofnun þjóðgarðs innan svokallaðrar miðhálendislínu. Nefndin á að draga saman helstu sjónarmið og fyrirliggjandi þekkingu er varðar nýtingu og vernd miðhálendisins, með langtímahagsmuni þjóðarinnar að leiðarljósi.

Lesa meira

13.6.2016 : Nýsamþykkt lög er lúta að rafföngum og brunaöryggi vöru

Alþingi samþykkti á síðustu starfsdögum sínum breytingar á lögum um öryggi raforkuvirkja, neysluveitna og raffanga sem og breytingar á lögum um brunavarnir. Lagabreytingarnar eru tilkomnar vegna innleiðinga á tilskipunum Evrópusambandsins 2014/35/ESB, 2014/30/ESB og 2014/34/ESB.

Lesa meira

10.6.2016 : Samningar við LBHÍ vegna sóknaráætlunar í loftslagsmálum undirritaðir

Sigrún Magnúsdóttir, umhverfis- og auðlindaráðherra og Björn Þorsteinsson, rektor Landbúnaðarháskóla Íslands (LBHÍ), skrifuðu í dag undir tvo samninga um verkefni sem LBHÍ sinnir varðandi verkefni í sóknaráætlun stjórnvalda í loftslagsmálum.

Lesa meira

7.6.2016 : Glerárdalur friðlýstur sem fólkvangur

Sigrún Magnúsdóttir, umhverfis- og auðlindaráðherra undirritaði í gær friðlýsingu hluta Glerárdals á Akureyri. Um er að ræða 7.440 hektara svæði sem eftir friðlýsinguna er skilgreint sem fólkvangur.

Lesa meira

6.6.2016 : Heiðursviðurkenning veitt á Sjómannadegi

Sigrún Magnúsdóttir, umhverfis-og auðlindaráðherra veitti Þorvaldi Gunnlaugssyni sjómanni, heiðursviðurkenningu vegna góðrar umgengni um hafið, fyrirmyndarstarf í úrgangsmálum og framsækna hugsun varðandi nýja orkugjafa til sjós, við hátíðarathöfn á sjómannadeginum í Reykjavík í gær.

Lesa meira
skogur

3.6.2016 : Lög um nýja Skógrækt samþykkt samhljóða

Alþingi samþykkti í gær lög um nýja skógræktarstofnun, Skógræktina. Með lögunum eru fimm landshlutaverkefni í skógrækt og Skógrækt ríkisins sameinuð í eina stofnun.  Einhugur var um málið á Alþingi og voru lögin samþykkt með öllum greiddum atkvæðum.

Lesa meira

27.5.2016 : Drög að reglugerð um tiltekin loftmengunarefni í kynningu

Umhverfis- og auðlindaráðuneytið kynnir drög að nýrri reglugerð sem fjallar m.a. um viðmiðunarmörk nokkurra loftmengunarefna og upplýsingar til almennings. Megintilgangur þessarar reglugerðar er að innleiða ákvæði tveggja tilskipana Evrópusambandsins um gæði andrúmslofts og hreinna loft í Evrópu.

Lesa meira

25.5.2016 : Fundað með þýskum þingmönnum

Sigrún Magnúsdóttir, umhverfis-og auðlindaráðherra, átti í gær fund með þingmönnum úr þýsk-norrænum vinahópi á þýska sambandsþinginu, Bundestag. Vinahópurinn var staddur hér á landi í vinnuheimsókn til að kynna sér m.a. jarðhita og loftslagsmál.

Lesa meira

24.5.2016 : Starfshópur um vindorkuver skipaður

Umhverfis- og auðlindaráðherra hefur skipað starfshóp sem fara mun yfir regluverk varðandi starfsemi vindorkuvera og framkvæmdir vegna þeirra. Greining starfshópsins mun einnig ná til löggjafar á málefnasviði atvinnuvega- og nýsköpunarráðuneytisins er varðar leyfisútgáfu og eftirlit með starfsemi vindorkuvera.

Lesa meira
Byggingakranar.

23.5.2016 : Lög um mat á umhverfisáhrifum til skoðunar

Starfshópur vegna endurskoðunar laga um mat á umhverfisáhrifum hefur hafið störf, en honum er ætlað að gera tillögur að lagabreytingum sem nauðsynlegar eru til að innleiða ákvæði tilskipunar ESB  sem ætlað er að einfalda regluverk vegna mats á umhverfisáhrifum.

Lesa meira
Landmælingar hafa lokið öllum fimm grænu skrefunum í ríkisrekstri.

20.5.2016 : Landmælingar Íslands 60 ára

Sigrún Magnúsdóttir, umhverfis- og auðlindaráðherra, ávarpaði í dag 60 ára afmælisráðstefnu Landmælinga Íslands, sem haldin var á Akranesi. Yfirskrift ráðstefnunnar var Kortin vísa veginn.

Lesa meira
Mývatn

13.5.2016 : Samstarfshópur um ástand Mývatns

Sigrún Magnúsdóttir, umhverfis-og auðlindaráðherra hefur skipað samstarfshóp sem ætlað er að taka saman lykilupplýsingar um ástand mála í Mývatni. Mývatn er ein af okkar dýrmætustu náttúruperlum og horfa þarf til sérstakrar verndarstöðu og verndargildis vatnsins og ástandsins nú varðandi bakteríublóma.

Lesa meira

3.5.2016 : Efling umhverfismála í brennidepli

Sigrún Magnúsdóttir, umhverfis-og auðlindaráðherra, upplýsti í ávarpi sínu á ársfundi  Umhverfisstofnunar sl. föstudag að gert væri ráð fyrir byggingu gestastofu Þjóðgarðsins á Snæfellsnesi á Hellissandi í fjármálaáætlun ríkisstjórnarinnar fyrir árin 2017-2021 en þar væru áætlaðar um 300 milljónir króna til verkefnisins.

Lesa meira

3.5.2016 : Sveigjanleiki aukinn í byggingarreglugerð

Umhverfis- og auðlindaráðherra hefur undirritað reglugerð um breytingu á byggingarreglugerð sem hefur það að markmiði að lækka byggingarkostnað vegna íbúðarhúsnæðis. Breytingarnar lúta einna helst að aðkomu, umferðarleiðum og innri rýmum mannvirkja sem og stjórn mannvirkjamála hvað varðar minniháttar framkvæmdir sem undanþegnar eru byggingarleyfi.

Lesa meira
Vatnajökulsþjóðgarður

2.5.2016 : Vinna hafin við skoðun á mögulegri tilnefningu Vatnajökulsþjóðgarðs á heimsminjaskrá UNESCO

Sigrún Magnúsdóttir, umhverfis- og auðlindaráðherra hefur í samvinnu við Illuga Gunnarsson, mennta-og menningarmálaráðherra, sett af stað undirbúning vinnu við að skilgreina, afmarka og afla nauðsynlegra gagna og upplýsinga fyrir næstu tilnefningu náttúruminja á heimsminjaskrá UNESCO.

Lesa meira

29.4.2016 : Ráðherra vígir ofurtölvu á Veðurstofu Íslands

Ný ofurtölva sem Veðurstofa Íslands og danska veðurstofan (DMI) reka sameiginlega í húsnæði Veðurstofunnar við Bústaðarveg var formlega vígð á Veðurstofunni í gær.

Lesa meira

29.4.2016 : Árni Bragason skipaður í embætti landgræðslustjóra

Umhverfis- og auðlindaráðherra, Sigrún Magnúsdóttir, hefur skipað Árna Bragason í embætti landgræðslustjóra til næstu fimm ára.

Lesa meira

27.4.2016 : Ný reglugerð um meðferð elds og varnir gegn gróðureldum

Umhverfis- og auðlindaráðuneytið hefur gefið út reglugerð um meðferð elds og varnir gegn gróðureldum.  Markmið reglugerðarinnar er að vernda um­hverfið og heilsu fólks með því að koma í veg fyrir mengun af sinubrennu, öðrum gróðureldum og meðferð elds á víðavangi. Þá er einnig markmið reglugerðarinnar að tryggja öryggi og vernd lífs og eigna.

Lesa meira

25.4.2016 : Viðurkenningar veittar á Degi umhverfisins

Umhverfis- og auðlindaráðherra, Sigrún Magnúsdóttir, veitti ÁTVR í dag Kuðunginn, umhverfisviðurkenningu umhverfis- og auðlindaráðuneytisins, fyrir framúrskarandi starf að umhverfismálum á síðasta ári. Við sama tækifæri voru nemendur í Grunnskóla Borgarfjarðar Eystri og Dalvíkurskóla útnefndir Varðliðar umhverfisins.

Lesa meira

22.4.2016 : Ráðherra undirritar Parísarsamninginn

Sigrún Magnúsdóttir umhverfis- og auðlindaráðherra undirritaði í dag Parísarsamninginn um aðgerðir í loftslagsmálum fyrir Íslands hönd við athöfn í New York. Í ávarpi í tilefni undirritunarinnar sagði ráðherra að Ísland ynni að því að framkvæma markmið samningsins, m.a. með aðgerðum á sviði samgangna, fiskveiða og landbúnaðar, auk kolefnisbindingar með skógrækt og landgræðslu.

Lesa meira

22.4.2016 : Heimsmarkmiðum SÞ verði hrint í framkvæmd

Átak gegn matarsóun, loftslagsvæn orka, landgræðsla og barátta fyrir jafnrétti kynjanna eru meðal áherslumála Íslands við að hrinda í framkvæmd Heimsmarkmiðum Sameinuðu þjóðanna um sjálfbæra þróun. Sigrún Magnúsdóttir umhverfis- og auðlindaráðherra nefndi þetta í ávarpi sínu í gær fyrir Íslands hönd á sérstökum ráðherrafundi um markmiðin í New York.

Lesa meira

20.4.2016 : Unnið að markmiðum Parísar-samkomulagsins

Sigrún Magnúsdóttir umhverfis- og auðlindaráðherra fer til New York í dag til að skrifa undir Parísarsamkomulagið um loftslagsmál fyrir Íslands hönd. Hún mun einnig taka þátt í ráðherrafundi um sjálfbærnimarkmið Sameinuðu þjóðanna, sem er haldinn samhliða undirskriftarathöfninni.

Lesa meira

19.4.2016 : Samkomulag um loftslagsvænni landbúnað

Sigrún Magnúsdóttir, umhverfis- og auðlindaráðherra, Gunnar Bragi Sveinsson, sjávarútvegs- og landbúnaðarráðherra og Sindri Sigurgeirsson, formaður Bændasamtaka Íslands undirrituðu í dag samkomulag um gerð vegvísis um minnkun losunar gróðurhúsalofttegunda frá landbúnaði.

Lesa meira
Eldgosið á Fimmvörðuhálsi í fyrra.

18.4.2016 : Starfshópur vinnur frumvarp til laga um hamfarasjóð

Umhverfis- og auðlindaráðherra hefur skipað starfshóp sem hefur það hlutverk að vinna frumvarp til laga vegna stofnunar hamfarasjóðs. Hamfarasjóði er ætlað það hlutverk að sinna forvörnum og samhæfingu verkefna vegna náttúruvár ásamt því að hafa umsjón með greiðslu kostnaðar og bóta í ákveðnum tilvikum.

Lesa meira

14.4.2016 : Ráðherra ávarpar ársfund Veðurstofu Íslands

Sigrún Magnúsdóttir, umhverfis- og auðlindaráðherra, ávarpaði á þriðjudag ársfund Veðurstofu Íslands sem hafði yfirskriftina Reiknað til framtíðar.

Lesa meira
Orkufyrirtækið SEV í Færeyjum hlaut Umhverfisverðlaun Norðurlandaráðs árið 2015.

13.4.2016 : Óskað eftir tillögum að handhöfum umhverfisverðlauna Norðurlandaráðs

Norðurlandaráð auglýsir eftir tillögum að handhöfum náttúru- og umhverfisverðlauna Norðurlandaráðs 2016. Þema Umhverfisverðlauna Norðurlandaráðs á þessu ári er stafræn nýsköpun sem ýtir undir sjálfbæran lífsstíl. Umhverfisverðlaunin eru veitt norrænu fyrirtæki, samtökum eða einstaklingi.

Lesa meira

11.4.2016 : Pixel hlýtur Svansvottun

Sigrún Magnúsdóttir, umhverfis- og auðlindaráðherra, afhenti prentsmiðjunni Pixel, Svansmerkið við hátíðlega athöfn á föstudag. Pixel bætist þar með í ört stækkandi hóp Svansvottaðra fyrirtækja sem eru nú orðin 31 talsins.

Lesa meira

8.4.2016 : Ísland stóð við skuldbindingar á fyrsta tímabili Kýótó bókunarinnar

Uppgjöri á losunarheimildum fyrir fyrsta viðskiptatímabil Kýótó-bókunarinnar, sem gilti fyrir árin 2008– 2012 er nú lokið. Ísland stóð við skuldbindingar sínar á tímabilinu og hefur skrifstofa Loftslagssamnings Sameinuðu þjóðanna nú staðfest það.

Lesa meira

6.4.2016 : Verkefni um endurheimt votlendis hafið

Sigrún Magnúsdóttir, umhverfis- og auðlindaráðherra hefur sett af stað verkefni um endurheimt votlendis í samræmi við sóknaráætlun í loftslagsmálum. Landgræðslu ríkisins hefur verið falið að annast framkvæmdina í samræmi við tillögur samráðshóps um endurheimt votlendis.

Lesa meira

23.3.2016 : Starfshópur um verkaskiptingu Umhverfisstofnunar og Landgræðslu ríkisins skilar tillögum

Starfshópur sem Sigrún Magnúsdóttir umhverfis- og auðlindaráðherra skipaði til að skoða leiðir að samþætta eða sameina stofnanir á sviði náttúruverndar og landgræðslu þ.e. Umhverfisstofnunar og Landgræðslu ríkisins, hefur skilað tillögum sínum. 

Lesa meira

23.3.2016 : Frumvarp um breytingar á fráveitugjaldi samþykkt

Alþingi hefur samþykkt frumvarp um breytingu á lögum nr. 9/2009 um uppbyggingu og rekstur fráveitna. Markmiðið með breytingunum er að treysta grundvöll álagningar fráveitugjalds á vegum fráveitna sveitarfélaga fyrir þjónustu sem þær veita.

Lesa meira

22.3.2016 : Átta sækja um embætti landgræðslustjóra

Átta umsækjendur eru um embætti landgræðslustjóra, en umhverfis- og auðlindaráðuneytið auglýsti embættið laust til umsóknar þann 5. mars síðastliðinn.

Lesa meira
Í Skaftafelli

18.3.2016 : Langtímaáætlun um uppbyggingu ferðamannasvæða sett af stað

Alþingi samþykkti í dag ný lög um gerð landsáætlunar um uppbyggingu innviða til verndar náttúru og menningarsögulegum minjum. Í kjölfar samþykktar Alþingis mun Sigrún Magnúsdóttir, umhverfis- og auðlindaráðherra setja vinnu af stað sem miðar að því að móta stefnu á ferðamannasvæðum með skipulögðum hætti til lengri tíma.

Lesa meira

17.3.2016 : Saman gegn sóun

Sigrún Magnúsdóttir, umhverfis- og auðlindaráðherra efndi til morgunverðarfundar á Hallveigarstöðum í tengslum við stefnu ráðherra um að draga úr sóun, sem ber heitið Saman gegn sóun.

Lesa meira

17.3.2016 : Landsskipulagsstefna 2015–2026 samþykkt á Alþingi

Alþingi samþykkti í gær 16. mars sl. þingsályktun um landsskipulagsstefnu 2015-2026. Samþykkt hennar markar tímamót í skipulagsmálum hér á landi þar sem í fyrsta sinn er sett fram heilstæð stefna ríkisins á landsvísu um skipulagsmál.

Lesa meira

14.3.2016 : Morgunverðarfundur - Saman gegn sóun

Umhverfis- og auðlindaráðherra býður til morgunarverðarfundar fimmtudaginn 17. mars undir yfirskriftinni  Saman gegn sóun

Lesa meira

9.3.2016 : Skipan hættumatsnefnda vegna eldgosa og sjávar- og vatnsflóða

Umhverfis- og auðlindaráðherra hefur þann 7. mars 2016 skipað tvær nefndir sem falið er að gera tillögur um hættumatsviðmið sem eiga að liggja til grundvallar vinnu við hættumat vegna eldgosa annars vegar og sjávar- og vatnsflóða hins vegar.

Lesa meira

9.3.2016 : Ráðherra staðfestir hættumat vegna ofanflóða fyrir Sauðárkrók

Sigrún Magnúsdóttir, umhverfis- og auðlindaráðherra staðfesti hættumat vegna ofanflóða fyrir Sauðárkrók þann 3. mars sl. Undirritunin markar ákveðin tímamót því Sauðárkrókur er síðasti þéttbýlisstaðurinn hér á landi þar sem þörf er talin á hættumati vegna ofanflóða. 

Lesa meira

2.3.2016 : Heimsókn ráðherra á Stofnun Vilhjálms Stefánssonar

Sigrún Magnúsdóttir, umhverfis-og auðlindaráðherra heimsótti Stofnun Vilhjálms Stefánssonar á ferð sinni til Akureyrar á dögunum.

Lesa meira
Sandgróður

2.3.2016 : Drög að reglugerð um meðferð elds og varnir gegn gróðureldum til kynningar

Umhverfis- og auðlindaráðuneytið óskar eftir umsögnum um drög að reglugerð um meðferð elds og varnir gegn gróðureldum.  Markmið reglugerðarinnar er að vernda um­hverfið og heilsu fólks með því að koma í veg fyrir mengun af sinubrennu, öðrum gróðureldum og meðferð elds á víðavangi. Þá er það einnig markmið reglugerðarinnar að tryggja öryggi og vernd lífs og eigna.

Lesa meira
Merki Kuðungsins

25.2.2016 : Óskað eftir tilnefningum til Kuðungsins 2015

Úthlutunarnefnd á vegum umhverfis- og auðlindaráðuneytisins óskar eftir tilnefningum um fyrirtæki eða stofnun, sem vegna verka sinna og athafna á síðasta ári, er þess verðug að hljóta umhverfisviðurkenninguna Kuðunginn fyrir árið 2015.

Lesa meira

22.2.2016 : Vinna hafin við friðlýsingu Kerlingarfjalla

Sigrún Magnúsdóttir umhverfis- og auðlindaráðherra hefur sett af stað vinnu við undirbúning að friðlýsingu Kerlingarfjalla.

Lesa meira

19.2.2016 : Skýrslur um næringarefni í Mývatni og Þingvallavatni

Umhverfis- og auðlindaráðuneytið hefur birt skýrslur sem það lét vinna um mat á ákomu og afrennsli niturs og fosfórs fyrir Mývatn og Þingvallavatn.

Í skýrslunum eru dregnar saman bestu fáanlegu upplýsingar um innstreymi næringarefna í vötnin og gerð grein fyrir hlut einstakra uppsprettna.

Lesa meira

16.2.2016 : Ríkisstjórnin ákveður stofnun hamfarasjóðs

Ríkisstjórn Íslands samþykkti á fundi sínum í dag að stofnaður verði sérstakur sjóður, hamfarasjóður sem hafi það hlutverk að sinna forvörnum og samhæfingu verkefna á sviði náttúruvár og verkefni á sviði forvarna verða aukin.

Lesa meira

15.2.2016 : Heimsókn umhverfis- og auðlindaráðherra til Sorpu bs.

Vel var tekið á móti Sigrúnu Magnúsdóttur, umhverfis- og auðlindaráðherra, þegar hún heimsótti Sorpu bs. á Álfsnesi í síðustu viku. Sorpa er byggðasamlag í eigu sveitarfélaganna sex á höfuðborgarsvæðinu og rekur móttöku- og flokkunarstöðvar fyrir úrgang ásamt urðunarstað í Álfsnesi.

Lesa meira

15.2.2016 : Steinunn Fjóla Sigurðardóttir skipuð skrifstofustjóri

Umhverfis- og auðlindaráðherra hefur ákveðið að skipa Steinunni Fjólu Sigurðardóttur, í embætti skrifstofustjóra á skrifstofu umhverfis og skipulags í umhverfis- og auðlindaráðuneytinu. Hæfnisnefnd sem skipuð var af ráðherra til að meta hæfni umsækjenda, sbr. reglur nr. 393/2012, taldi Steinunni Fjólu hæfasta til að gegna embættinu. Fimm umsækjendur voru um embættið.  

Lesa meira

12.2.2016 : Framlengdur frestur til að skila inn umsögnum um breytingar á starfsreglum verkefnisstjórnar verndar- og orkunýtingaráætlunar

Ráðuneytið hefur ákveðið að framlengja frest til að skila inn umsögnum um breytingar á starfsreglum verkefnisstjórnar verndar- og orkunýtingaráætlunar til mánudagsins 22. febrúar nk.

Lesa meira

3.2.2016 : Styrkir til verkefna og rekstrar 2016

Umhverfis- og auðlindaráðuneytið hefur úthlutað styrkjum til verkefna er stuðla að uppbyggingu á sviði umhverfismála. Þá hefur ráðuneytið úthlutað rekstrarstyrkjum til frjálsra félagasamtaka. 

Lesa meira
Myrdalur

3.2.2016 : Mikil umræða um umhverfismál á Alþingi

Umhverfismál voru mikið til umræðu á Alþingi í liðinni viku. Góðar og málefnalegar umræður voru meðal annars um loftslagsmál og ekki síst um Parísarsamkomulagið og sögðust þingmenn vonast eftir fleiri gagnlegum samræðum um þennan yfirgripsmikla málaflokk sem umhverfismálin eru.

Lesa meira

2.2.2016 : Drög að breytingum á starfsreglum verkefnisstjórnar verndar- og orkunýtingaráætlunar til umsagnar

Umhverfis- og auðlindaráðuneytið, í samráði við atvinnuvega- og nýsköpunarráðuneytið, óskar eftir umsögnum um drög að breytingum á starfsreglum verkefnisstjórnar verndar- og orkunýtingaráætlunar.

Lesa meira
Plastpokar.

28.1.2016 : Starfshópur vinnur tillögur um aðgerðir til að draga úr notkun plastpoka

Umhverfis- og auðlindaráðherra hefur skipað starfshóp sem hefur það hlutverk að móta tillögur að aðgerðum um hvernig draga megi úr notkun plastpoka. Hópurinn mun í starfi sínu horfa til þingsályktunar Alþingis frá júlí sl. um að draga úr plastpokanotkun, breytinga á EES-samningnum vegna plastpokanotkunar og tillögu Umhverfisstofnunar um hvernig draga megi úr plastpokanotkun hér á landi.

Lesa meira

28.1.2016 : Óskað eftir verkefnum frá varðliðum umhverfisins

Óskað er eftir verkefnum til þátttöku í hinni árlegu verkefnasamkeppni, Varðliðum umhverfisins. Þetta er í 10. sinn sem samkeppnin er haldin meðal grunnskólabarna í 5. til 10. bekk. Markmið keppninnar er að hvetja ungt fólk til góðra verka í umhverfisvernd, vekja athygli á sýn ungs fólks á umhverfismál og kalla eftir leiðsögn yngri kynslóðarinnar á því sviði.

Lesa meira

25.1.2016 : Frumvarp til nýrra laga um Umhverfisstofnun í kynningu

Umhverfis- og auðlindaráðuneytið óskar eftir umsögnum um drög að frumvarpi til nýrra laga um Umhverfisstofnun. Markmið frumvarpsins er að setja skýrari umgjörð um hlutverk Umhverfisstofnunar.

Lesa meira

25.1.2016 : Frumvarp um breytingu á ýmsum lögum er varða meðhöndlun úrgangs í kynningu

Umhverfis- og auðlindaráðuneytið óskar eftir umsögnum um drög að frumvarpi til breytinga á lögum um meðhöndlun úrgangs, lögum um eftirlit með skipum og lögum um ráðstafanir gegn umhverfismengun af völdum einnota umbúða fyrir drykkjarvörur.

Lesa meira

22.1.2016 : Saman gegn sóun – stefna um úrgangsforvarnir 2016 - 2027

Umhverfis- og auðlindaráðherra hefur gefið út fyrstu almennu stefnuna um úrgangsforvarnir sem ber heitið  Saman gegn sóun. Stefnan gildir fyrir árin 2016-2027 og eru markmið hennar m.a. að draga úr myndun úrgangs og bæta nýtingu auðlinda.

Lesa meira
Hús í Reykjavík

22.1.2016 : Tillögur að breytingum á byggingarreglugerð til kynningar

Umhverfis- og auðlindaráðuneytið óskar eftir umsögnum um drög að breytingum á byggingarreglugerð. Markmið breytinganna er að lækka byggingarkostnað vegna íbúða og er það í samræmi við samþykkt ríkisstjórnar um aðgerðir á sviði húsnæðismála, í tengslum við gerð kjarasamninga síðastliðið vor.

Lesa meira
Rjúpa

20.1.2016 : Nýjar reglur um ráðstöfun tekna af sölu veiðikorta

Nýjar verklagsreglur hafa tekið gildi vegna ráðstöfunar tekna af sölu veiðikorta. Helstu breytingar eru þær að aukin áhersla verður lögð á að vinna að viðvarandi verkefnum á sviði veiðistjórnunar og sjálfbærra veiða, s.s. vöktunar veiðistofna auk smærri skilgreindra verkefna í þágu veiðistjórnunar.  Einnig er sú nýjung að sett er á fót sérstök ráðgefandi nefnd, Samstarfssnefnd um sjálfbærar veiðar.

Lesa meira

15.1.2016 : Frumvarp um breytingu á lögum um hollustuhætti og mengunarvarnir í kynningu

Umhverfis- og auðlindaráðuneytið óskar eftir umsögnum um drög að frumvarpi til laga um breytingu á lögum um hollustuhætti og mengunarvarnir. Megintilefni frumvarpsins er innleiðing á tilskipun 2010/75/ESB um losun frá iðnaði. 

Lesa meira
Hreindýr.

12.1.2016 : Hreindýrakvóti ársins 2016

Umhverfis- og auðlindaráðherra hefur ákveðið hreindýrakvóta þessa árs að fengnum tillögum frá Umhverfisstofnun. Heimilt verður að veiða allt að 1300 dýr á árinu, 848 kýr og 452 tarfa.

Lesa meira

7.1.2016 : Ný reglugerð um endurnýtingu úrgangs

Umhverfis- og auðlindaráðherra hefur sett nýja reglugerð um endurnýtingu úrgangs. Reglugerðinni er ætlað að hvetja til endurnýtingar úrgangs og stuðla þannig að betri nýtingu hráefna og auðlinda.

Lesa meira

4.1.2016 : Umsóknarfrestur vegna rekstrarstyrkja framlengdur

Umsóknarfrestur vegna rekstrarstyrkja félagasamtaka sem starfa á verkefnasviði umhverfis- og auðlindaráðuneytisins hefur verið framlengdur til  14. janúar nk. kl. 16.

Lesa meira