Í frumvarpi til skipulagslaga, sem umhverfisráðherra lagði fyrir Alþingi nýlega, er viðurkennd þörfin á því að ríkisvaldið leggi til heildstæða sýn í skipulagsmálum. Við því er brugðist með ákvæði um svonefnda landsskipulagsáætlun. Þetta er meðal þess sem segir í grein umhverfisráðherra sem birtist í Fréttablaðinu nýlega. Lesa meira

Umhverfisráðherra mælir fyrir þremur frumvörpum til laga á Alþingi í dag; frumvarpi til laga um mannvirki, frumvarpi til skipulagslaga og frumvarpi um breytingu á lögum um brunavarnir. Í frumvarpi til skipulagslaga er m.a. lögð áhersla á að ríkisvaldið geti lagt fram heildstæða sýn í skipulagsmálum sem varða almannahagsmuni. Í frumvarpi til laga um mannvirki er m.a. lögð áhersla á að tryggja gæði, öryggi og heilnæmi mannvirkja. Lesa meira

Í ár eru 70 ár frá því að komið var á fót forvera Skipulagsstofnunar, tíu ár frá gildistöku skipulags- og byggingarlaganna og fimmtán ár frá því að fyrstu lög um mat á umhverfisáhrifum voru sett hér á landi. Skipulagsstofnun mun af þessu tilefni efna til ýmissa viðburða til að vekja athygli á viðfangsefnum stofnunarinnar og stuðla að aukinni umræðu um þau. Lesa meira

Umhverfisráðherra hefur synjað staðfestingu á þeim hluta aðalskipulags Leirár- og Melahrepps er varðar vegalagningu yfir Grunnafjörð. Grunnafjörður er talinn eitt mikilvægasta votlendissvæði hér á landi og eitt af þremur svæðum á landinu sem tilkynnt hefur verið til alþjóðlegrar skrár um verndun votlendis. Lesa meira

Umhverfisráðherra hefur staðfest úrskurð Skipulagsstofnunar um mat á umhverfisáhrifum Gjábakkavegar. Ráðuneytið telur með vísan til röksemda sem taldar eru upp í fimm liðum í úrskurðinum og að teknu tilliti til þeirra mótvægisaðgerða sem fram koma í úrskurði Skipulagsstofnunar og þess skilyrðis sem ráðuneytið setur um mælingar á mengun, að áhrif vegarins teljist ekki vera umtalsverð í skilningi laga um mat á umhverfisáhrifum. Lesa meira

Umhverfisráðherra hefur staðfest úrskurð Skipulagsstofnunar um mat á umhverfisáhrifum Vestfjarðarvegar á milli Bjarkarlundar og Eyrar í Reykhólahreppi, nema hvað varðar leið B í 2. áfanga þar sem vegastæðið liggur um Teigsskóg í Þorskafirði. Að teknu tilliti til umferðaröryggissjónarmiða er fallist á að vegurinn liggi um skóginn, en með sex skilyrðum. Lesa meira

Jónína Bjartmarz umhverfisráðherra ávarpaði aðildaríkjafund Evrópsku veðurgervihnattastofnunarinnar (EUMETSAT) og dró Íslenska fánann að húni í höfuðstöðvum stofnunarinnar í Darmstadt í Þýskalandi í gær. Með þeirri táknrænu athöfn umhverfisráðherra varð Ísland þrítugasta ríkið í samstarfi Evrópuþjóða um fjarkönnun utan úr geimnum. Lesa meira

Umhverfisráðherra hefur staðfest að efnistaka af hafsbotni í Kollafirði í Faxaflóa skuli sæta mati á umhverfisáhrifum. Að mati ráðuneytisins er fyrirhuguð efnistaka af hafsbotni í Kollafirði umfangsmikil framkvæmd sem getur haft veruleg áhrif á jarðfræði, lífríki, landslag og gerð botnsins á og umhverfis námasvæðin.

Lesa meira

Málþing um fjölþjóðlega norðurslóðaverkefnið Samþætting áætlana á norðurslóðum var sett í dag. Magnús Jóhannesson, ráðuneytisstjóri umhverfisráðuneytisins, flutti setningarávarp við upphaf málþingsins. Lesa meira

Tilteknar skipulags- og framkvæmdaáætlanir stjórnvalda skulu fara í umhverfismat samkvæmt lögum um umhverfismat áætlana sem voru samþykkt á Alþingi í vor. Markmið laganna er að tryggja að tillit sé tekið til sjónarmiða um umhverfisvernd strax á fyrri stigum ákvörðunartöku stjórnvalda og með því dregið úr neikvæðum umhverfisáhrifum þeirra. Samgönguáætlun 2007-2008 er fyrsta opinbera áætlunin sem fer í slíkt umhverfismat. Lesa meira

Almenningi gefst kostur á að koma á framfæri athugasemdum við frumvarpsdrögum að frumvarpi til laga um mannvirki og frumvarpi til skipulagslaga til 15. ágúst 2006. Lesa meira