Nefnd um lagalega stöðu villtra fugla og villtra spendýra.
Skipuð 9. júlí 2010
Hlutverk nefndarinnar er að varpa skýru ljósi á lagalega stöðu villtra spendýra og fugla á Íslandi m.a. með tilliti til dýraverndarstjónarmiða og leggja fram tillögur um úrbætur með það að leiðarljósi að uppfylla markmið gildandi laga og þeirra alþjóðlegu samninga sem Ísland er aðili að og varða verndun villtra spendýr og fugla. Vinna nefndarinnar einskorðast ekki einungis við að rýna framkvæmd laga nr. 64/1994, heldur skal nefndin einnig taka til skoðunar vernd, friðun og veiðar á villtum fuglum og villtum spendýrum, þar með talið selum og hvölum, í stóru samhengi. Þá skal nefndin einnig skoða með hvaða hætti dýravernd þessara dýra verður best fyrirkomið. Nefndin mun því einnig þurfa að skoða önnur lög er tengjast viðgangsefninu eftir því sem ástæða þykir.
Lögð er áhersla á að nefndin hafi víðtækt samráð við þá aðila sem koma að þessum málaflokki, hvort heldur er með einstaka fundum eða með skipan bakhópa um ákveðin verkefni.
Nefndin skal skila lokaskýrslu fyrir 1. febrúar 2011.
Menja von Schmalensee, formaður
Páll Hersteinsson
Hólmfríður Arnardóttir
Samkvæmt tilnefningu Umhverfisstofnunar
Hildur Vésteinsdóttir
Samkvæmt tilnefningu Náttúrufræðistofnunar Íslands
Kristinn Haukur Skarphéðinsson
Samkvæmt tilnefningu Dýralæknafélags Íslands
Auður Lilja Arnþórsdóttir
Samkvæmt tilnefningu Skotveiðifélags Íslands
Sigmar B. Hauksson
Samkvæmt sameiginlegri tilnefningu frjálsra félagasamtaka á sviði náttúruverdar
Tómas Grétar Gunnarsson