Samninganefnd um loftslagsmál

Skipuð 28. nóvember 2008

Ríkisstjórnin samþykkti á fundi sínum 14. nóvember sl. að skipuð yrði sérstök níu manna samninganefnd frá sjö ráðuneytum til þess að fara með samningsumboð Íslands í þeim alþjóðlegu samningum sem nú eiga sér stað um loftslagsmál. Umhverfisráðherra fer með fyrirsvar Íslands í samningaferlinu og kemur fram fyrir Íslands hönd ríkisstjórnar Íslands á alþjóðavettvangi. Nefndin skal funda reglulega milli samningafunda, ráða ráðum sínum, afla upplýsinga og gagna frá sérfræðingum og undirbúa þátttöku í samningafundum í samráði við umhverfisráðherra. Formaður og varaformaður skulu jafnframt reglulega kynna stöðu mála fyrir ríkisstjórn og/eða nefnd ráðuneytisstjóra undir forystu umhverfisráðuneytisins, svo og utanríkismálanefnd, umhverfisnefnd og öðrum nefndum Alþingis eftir þörfum. Sérstakt samningsumboð til nefndarinnar verður ákveðið af ríkisstjórn að tillögu umhverfisráðherra og það endurskoðað og uppfært eftir því sem samningaviðræður þróast og ástæða er til.

Frá umhverfisráðuneyti
Hugi Ólafsson, formaður
Stefán Einarsson

Frá utanríkisráðuneyti
Ragnheiður Elfa Þorsteinsdóttir
Anna Pála Sverrisdóttir

Frá fjármálaráðuneyti
Angantýr Einarsson

Frá iðnaðarráðuneyti
Sveinn Þorgrímsson

Frá sjávarútvegs- og landbúnaðarráðuneyti
Þosteinn Tómasson

Frá forsætisráðuneyti
Sigrún Ólafsdóttir

Frá innanríkisráðuneyti
Sigurður Örn Guðleifsson

Ritari nefndarinnar
Nína Björk Jónsdóttir, utanríkisráðuneyti