Stjórn Úrvinnslusjóðs
Skipuð 20. janúar 2011
Umhverfisráðherra skipar fimm manna stjórn Úrvinnslusjóðs til fjögurra ára í senn, skv. 16. gr. laga nr. 162 frá 2002 um úrvinnslugjald. Umhverfisráðherra skipar formann stjórnar án tilnefningar, en fjórir meðstjórnendur skulu skipaðir að fenginni tilnefningu frá eftirtöldum aðilum: einn eftir sameiginlegri tilnefningu Samtaka fiskvinnslustöðva og Landssambands íslenskra útvegsmanna, einn frá Samtökum iðnaðarins, einn frá SVÞ - Samtökum verslunar og þjónustu og einn frá Sambandi íslenskra sveitarfélaga. Varaformaður sem skipaður er af ráðherra, eftir tilnefningu stjórnar, skal koma úr hópi stjórnarmanna.
Stjórnin hefur það hlutverk að móta stefnu um starfsemi sjóðsins, svo sem um helstu áherslur, verkefni og starfshætti hans, og leggur fyrir ráðherra til staðfestingar
Stjórnin staðfestir skýrslur og áætlanir skv. 15. gr. og hefur eftirlit með því að þær séu gerðar og leggur þær fyrir ráðherra fyrir 1. júní ár hvert. Þá staðfestir stjórnin einnig samninga skv. 3. mgr. 8. gr., að fenginni umsögn Umhverfisstofnunar.
Stjórnin skal eftir því sem við á leggja fram tillögu til umhverfisráðherra um breytingar á fjárhæð úrvinnslugjalds, nýjar gjaldskyldar vörur og fjárhæð úrvinnslugjalds á þær. Telji stjórnin þörf á að leggja skilagjald á vöru til að ná fram auknum skilum hennar skal hún jafnframt leggja fram tillögu um það til ráðherra og fjárhæð þess. Við gerð tillögu að nýjum gjaldskyldum vörum og undanþágu frá gjaldskyldu skal stjórnin taka mið af skuldbindingum og stefnumörkun stjórnvalda í úrgangsmálum.
Stjórn Úrvinnslusjóðs ræður framkvæmdastjóra Úrvinnslusjóðs.
Án tilnefningar
Guðmundur G. Þórarinsson, formaður
Samkvæmt tilnefningu Landssambands íslenskra útvegsmanna og Samtökum fiskvinnslustöðva
Guðfinnur G. Johnsen
Samkvæmt tilnefningu Samtaka iðnaðarins
Bryndís Skúladóttir, varaformaður
Samkvæmt tilnefningu Samtaka verslunar og þjónustu
Lárus M.K. Ólafsson
Samkvæmt tilnefningu Sambands íslenskra sveitarfélaga
Ögmundur Einarsson
Samkvæmt tilnefningu Félags atvinnurekenda
Halldór Haraldsson
Heimasíða Úrvinnslusjóðs er urvinnslusjodur.is.