Stjórn Vatnajökulsþjóðgarðs

Skipuð 31. ágúst 2011

Stjórn Vatnajökulsþjóðgarðs er skipuð skv. 4. gr. laga nr. 60/2007 um Vatnajökulsþjóðgarð til fjögurra ára í senn. Í stjórninni sitja sjö fulltrúar: fjórir formenn svæðisráða þjóðgarðsins, einn fulltrúi tilnefndur af umhverfisverndarsamtökum og tveir fulltrúar, formaður og varaformaður, skipaðir af umhverfisráðherra án tilnefningar. Útivistarsamtök tilnefna einn fulltrúa sem á áheyrnaraðild á fundum stjórnarinnar. Varamenn eru skipaðir á sama hátt.

Stjórn Vatnajökulsþjóðgarðs skal funda eftir því sem ástæða þykir til en þó eigi sjaldnar en á þriggja mánaða fresti og skulu ákvarðanir hennar samkvæmt ákvæðum laga þessara teknar á fundum hennar. Svæðisráð getur, ef það telur nauðsynlegt að leita eftir afstöðu eða ákvörðun stjórnar um tiltekið málefni, óskað eftir því að haldinn sé fundur í stjórn þjóðgarðsins. Afl atkvæða ræður úrslitum mála á fundum stjórnar. Um ákvarðanir stjórnar gilda stjórnsýslulög. Stjórn þjóðgarðsins er heimilt að ráða sér framkvæmdastjóra eða gera samning við aðra opinbera stofnun eða fyrirtæki um að annast daglegan rekstur og umsýslu stjórnar.

Stjórn Vatnajökulsþjóðgarðs hefur umsjón með náttúruvernd í Vatnajökulsþjóðgarði og eru helstu verkefni hennar eftirfarandi:

• Stefnumótun í málefnum þjóðgarðsins í samræmi við markmið laga þessara.
• Yfirumsjón með gerð tillögu að verndaráætlun og reglugerðar fyrir þjóðgarðinn.
• Gerð fjárhagsáætlunar um rekstur þjóðgarðsins, ráðstöfun fjár til rekstrarsvæða og samþykkt rekstraráætlunar hvers svæðis.
• Samræming á starfsemi rekstrarsvæða þjóðgarðsins.
• Eftirlit með framkvæmd reglna þjóðgarðsins og verndaráætlunar.
• Samstarf við stofnanir, sveitarfélög og hagsmunaaðila um málefni þjóðgarðsins.

Ráðherra getur með reglugerð kveðið nánar á um verkefni og starfsemi stjórnar Vatnajökulsþjóðgarðs.

Kristveig Sigurðardóttir, formaður
Gunnar Sveinbjörn Ólafsson, varamaður

Rósa Björk Halldórsdóttir, varaformaður
Þorsteinn M. Kristinsson, varamaður

Böðvar Pétursson
Soffía Helgadóttir

Björn Ármann Ólafsson,
Ruth Magnúsdóttir, varamaður

Hjalti Þór Vignisson
Björn Ingi Jónsson, varamaður

Elín Heiða Valsdóttir
Sigurður Skúlason, varamaður

Samkvæmt tilnefningu umhverfisverndarsamtaka

Sigrún Helgadóttir
Björn H. Barkarson, varamaður

Áheyrnarfulltrúi tilnefndur af Samtökum útivistarfélaga

Snorri Ingimarsson
Þorvarður Helgason, til vara

Heimasíða Vatnajökulsþjóðgarðs er vatnajokulsthjodgardur.is.