Svæðisráð rekstrarsvæðis 3 í Vatnajökulsþjóðgarði

Skipað 15. maí 2007

Svæðisráðið er skipað til fjögurra ára í senn skv. 7. gr. laga nr. 60/2007 um Vatnajökulsþjóðgarð. Í svæðisráði skulu sitja sex fulltrúar: þrír fulltrúar tilnefndir af sveitarstjórnum þeirra sveitarfélaga sem eru á viðkomandi rekstrarsvæði, einn fulltrúi tilnefndur sameiginlega af ferðamálasamtökum á viðkomandi svæði, einn fulltrúi tilnefndur af útivistarsamtökum og einn fulltrúi tilnefndur af umhverfisverndarsamtökum. Svæðisráð kýs sér formann úr hópi sveitarstjórnarmanna og varaformann. Þjóðgarðsvörður situr fundi svæðisráðs.

Þar til þjóðgarðurinn hefur verið formlega stofnaður og mörk þjóðgarðsins og rekstrarsvæða afmörkuð mun ráðuneytið miða mörk rekstrarsvæða vegna tilnefninga sveitarfélaga í svæðisráð við tillögur ráðgjafarnefndar umhverfisráðuneytisins sem fylgdu frumvarpi til laga um Vatnajökulsþjóðgarð.

Hlutverk svæðisráða Vatnajökulsþjóðgarðs skv. 8. gr. laganna er að vera þjóðgarðsverði og stjórn Vatnajökulsþjóðgarðs til ráðgjafar um málefni þjóðgarðsins á viðkomandi rekstrarsvæði, að vinna tillögu að verndaráætlun fyrir viðkomandi svæði, að gera tillögu að rekstraráætlun fyrir viðkomandi rekstrarsvæði innan þess fjárhagsramma sem því er ætlaður hverju sinni samkvæmt ákvörðun stjórnar og að gera tillögu að ráðningu þjóðgarðsvarða á viðkomandi rekstrarsvæði. Ráðherra getur með reglugerð kveðið nánar á um verkefni og starfsemi svæðisráða Vatnajökulsþjóðgarðs. Hluti af framangreindum verkefnum munu ekki koma til framkvæmda fyrr en eftir að þjóðgarðurinn hefur verið stofnaður.

Samkvæmt tilnefningu Sveitarfélagsins Hornafjarðar

Hjalti Þór Vignisson, formaður
Björn Ingi Jónsson, varaformaður
Guðrún Ingimundardóttir

Hrafnhildur Hannesdóttir

Samkvæmt tilnefningu Samtaka útivistarfélaga

Skúli H. Skúlason

Samkvæmt tilnefningu Ferðamálasamtaka Austurlands

Sigurlaug Gissurardóttir