Frekari athugun gerð á starfsemi Umhverfisstofnunar
Umhverfisráðuneytið hefur í samráði við Umhverfisstonfun ráðið stjórnsýslufræðing til verksins
Umhverfisráðuneytið hefur falið Sigurði H. Helgasyni stjórnsýslufræðingi að gera frekari athugun á starfsemi, stjórn og rekstri Umhverfisstofnunar í kjölfar stjórnsýsluúttektar Ríkisendurskoðunar. Í þeirri úttekt komu fram ábendingar um ýmiskonar vanda sem stofnunin á við að glíma. Í ljósi þessa hefur umhverfisráðuneytið, í samráði við Umhverfisstofnun, ákveðið að fram fari frekari athugun á vanda stofnunarinnar. Fjallað verði um stefnu, stjórnun og skipulag stofnunarinnar með það að markmiði að lagðar verði fram ákveðnar tillögur um aðgerðir.
Áhersla verður lögð á að leggja fram tillögur að aðgerðum sem stofnunin getur nýtt til að efla starfsemi sína og árangur. Tillögur til aðgerða verða mótaðar í samvinnu við umhverfisráðuneytið og Umhverfisstofnun og eiga að liggja fyrir 30. nóvember næst komandi.
