Breytingar gerðar á byggingarreglugerð
Umhverfis- og auðlindaráðuneytið hefur í samvinnu við Mannvirkjastofnun unnið drög að breytingu á 9. hluta byggingarreglugerðar nr. 112/2012 sem lýtur að vörnum gegn eldsvoða. Tekið er á móti umsögnum og athugasemdum um breytingarnar til 18. mars næstkomandi.
Með breytingunum er tekið tillit til ábendinga sem borist hafa á þeim tíma sem liðinn er frá setningu reglugerðarinnar um atriði sem m.a. lúta að hagkvæmari lausnum á vörnum gegn hættu af eldi. Framsetningu krafna er breytt á þann hátt að ákvæðum 9. hluta reglugerðarinnar er skipt í meginreglur sem eru ávallt ófrávíkjanlegar og viðmiðunarreglur sem eru frávíkjanlegar með tækniskiptum eða brunahönnun. Viðmiðunarreglurnar koma þannig í stað viðauka II.
Aðrar breytingar felast einkum í annarri uppröðun ákvæða og að orðalag er gert skýrara.
Athugasemdir við breytingarnar skal senda til umhverfis- og auðlindaráðuneytisins á netfangið [email protected] eða í bréfpósti í Skuggasund 1, 150 Reykjavík fyrir 18. mars næstkomandi.
Drög að reglugerð um breytingu á 9. hluta byggingarreglugerðar nr. 112/2012 (varnir gegn eldsvoða)