Fréttasafn
Svíar hætta flutningi á úrgangi til Sellafield
Íslensk stjórnvöld óttast að flutningur á geislavirkum úrgangi auki hættuna á mengunarslysi.
Svíar ætla að hætta að flytja geislavirkan úrgang til endurvinnslustöðvarinnar í Sellafield og munu auk þess sækja jafn mikið af honum úr stöðinni og þeir hafa flutt þangað. Þetta kom fram í máli Andreas Carlgren, umhverfisráðherra Svía, á fundi Umhverfis- og náttúruverndarnefndar Norðurlandaráðs í Osló í dag. Þórunn Sveinbjarnardóttir umhverfisráðherra hefur nýlega ritað Andreas Carlgren bréf þar lýsti yfir áhyggjum af flutningi Svía á geislavirkum úrgangi til Sellafield.
Sjá frétt Norðurlandaráðs um yfirlýsingu Andreas Carlgren.
Sjá frétt umhverfisráðuneytisins um bréf Þórunnar Sveinbjarnardóttur til Andreas Carlgren.
