Fjallað er um erindi Svandísar Svavarsdóttur um nauðsyn þess að bæði kyn komi að úrbótum í loftslagsmálum á heimasíðu Norrænu rannsóknarstofnunarinnar í kvenna- og kynjafræðum.

Lesa meira

Svandís Svavarsdóttir umhverfisráðherra kynnti markmið Íslands um 30% samdrátt í losun gróðurhúsalofttegunda fyrir árið 2020, sem nást mun í samvinnu við önnur ríki. Sagði hún lagalega bindandi alþjóðlegt samkomulag með þátttöku allra nauðsynlegt. Þá benti hún á að Ísland styður þróunarríki við landgræðslu og nýtingu jarðhita.

Lesa meira

„Nú þurfa þjóðir heims að taka höndum saman í loftslagsmálum - ekki einungis til að vernda andrúmsloftið heldur og lífríki hafsins,“ er meðal þess sem segir í grein Svandísar Svavarsdóttur um súrnun hafsins, sem hún segir vera „dulinn vanda“ innan loftslagsvandans.

Lesa meira

Stjórnvöld standa frammi fyrir stærsta einstaka verkefni nokkurrar kynslóðar og nú þarf kjark og samstöðu til að brjóta blað, segir Svandís Svavarsdóttir umhverfisráðherra í aðdraganda loftslagsráðetefnunnar í Kaupmannahöfn. Drög að aðgerðaáætlun í loftslagsmálum, sem nýverið voru lögð fram, eru hluti þess sem Íslendingar munu gera til að geta staðið við skuldbindingar sínar og til að leggja sitt af mörkum svo jarðarbúar geti snúið vörn í sókn.

Lesa meira

Umhverfisráðuneytið auglýsir eftir umsóknum um styrki til rannsókna á stofnum villtra dýra. Skriflegar umsóknir skulu berast ráðuneytinu fyrir 30. desember 2009.

Lesa meira

Norðurlandaráð auglýsir eftir tilnefningum til náttúru- og umhverfisverðlauna ráðsins 2010. Þá verða verðlaunin veitt norrænu fyrirtæki, stofnun, fjölmiðli eða einstaklingi, sem hefur haft áhrif á fjármálamarkaðinn í því augnamiði að samþætta sjálfbærni í fjármálaumsýslu.

Lesa meira

Svandís Svavarsdóttir umhverfisráðherra og starfsfólk Landmælinga kynntu í gær niðurstöður CORINE-verkefnisins. Meðal þess sem fram kemur í niðurstöðunum er að byggingarsvæði stækkuðu um 1055% árin 2000 til 2006 og jöklar minnkuðu um 1,63%. Lesa meira

Fulltrúar ungra félaga í Félagi Sameinuðu þjóðanna á Íslandi afhentu Svandís Svavarsdóttur umhverfisráðherra áskorun þar sem íslensk stjórnvöld eru hvött til að sýna öðrum þjóðum heims gott fordæmi í loftslagsmálum. Í áskoruninni segir meðal annars að ungt fólk þurfi að lifa með afleiðingum þeirra ákvarðana sem teknar verða á fundi um loftslagssamning Sameinuðu þjóðanna í Kaupmannahöfn. Lesa meira

Svandís Svavarsdóttir umhverfisráðherra hefur skipað skólaráð Brunamálaskólans til næstu fjögurra ára. Hlutverk skólaráðsins er meðal annars að vera Brunamálastofnun til ráðgjafar um fagleg og rekstrarleg málefni skólans Umhverfisráðherra skipaði Kristínu Jónsdóttur formann ráðsins.

Lesa meira

Svandís Svavarsdóttir umhverfisráðherra afhenti nýverið ræstingarsviði ISS Ísland vottun Norræna umhverfismerkisins Svansins. Mikill áhugi virðist nú vera fyrir Svansvottun og þrettán fyrirtæki hafa sótt um vottunina til Umhverfisstofnunar í ár. Umhverfisráðherra segir að vistvæn innkaupastefna ríkisins hafi haft tilætluð áhrif og það lýsi sér í auknum áhuga á Svansvottun. Lesa meira

Svandís Svavarsdóttir umhverfisráðherra og slökkviliðsmenn úr Slökkviliði höfuðborgarsvæðisins heimsóttu nemendur Ísaksskóla í gær og fræddu þau um helstu atriði eldvarna. Þá fengu börnin bókina um Glóð og Loga að gjöf frá Landssambandi slökkviliðs- og sjúkraflutningamanna, en félagið gefur öllum átta ára börnum í landinu bókina. Lesa meira

Fulltrúar Breytenda, ungliðahreyfingar Hjálparstarfs kirkjunnar, afhentu Svandísi Svavarsdóttur umhverfisráðherra, undirskriftir sem hreyfingin safnaði undir yfirskriftinni hlýnun jarðar er mannréttindamál. Breytendur krefjast þess að stjórnvöld skilgreini stöðu flóttamanna undan hlýnun jarðar og að Íslendingar taki sér stöðu meðal leiðandi þjóða í loftslagsmálum í Kaupmannahöfn í desember 2009.

Lesa meira

Landið er okkar dýrmætasta auðlind og tilgangslaus skemmdarverk á því eru óþolandi. Þetta er meðal þess sem segir í meðfylgjandi grein Svandísar Svavarsdóttur umhverfisráðherra um átak gegn akstri utan vega. Umhverfisráðherra segist ætla að herða róðurinn í baráttu gegn akstri utan vega og vilja vinna að því máli með öllum ábyrgum samtökum og einstaklingum, sama hvaða fararskjóta þeir kjósa sér til að ferðast um landið. Lesa meira

OSPAR samningurinn sem fjallar um verndun Norðaustur-Atlantshafsins vinnur að skýrslu um ástand hafsins sem koma mun út árið 2010. Umhverfisráðuneytið vill vekja athygli á að drög að skýrslunni liggja nú fyrir á heimasíðu samningsins og þar er hægt að gera athugasemdir við skýrsluna.

Lesa meira

Skógrækt ríkisins hefur opnað nýja og breytta vefsíðu. Markmið með breytingunum er að einfalda viðmót síðunnar og bæta við efni af ýmsum toga. Meðal annars má nú finna á síðunni gott kort með þjóðskógum.   Lesa meira

Mosfellsbær hefur boðað til málþings um stöðu sjálfbærrar þróunar í sveitarfélögum hér á landi. Sveitarfélögin eru komin mislangt í vinnu sinni að sjálfbærri þróun undir merkjum Staðardagskrár 21 og á málþinginu verður fjallað um ólíkar áherslur og aðferðir sveitarfélaga í þeim efnum. Lesa meira

Skógræktarfélag Reykjavíkur heldur Freysteinsvöku næstkomandi laugardag þar sem fjallað verður um Freystein Sigurðsson náttúrufræðing sem lést á liðnu ári. Lesa meira

Fræðslumyndband um hóflega rjúpnaveiði var frumsýnt í sjónvarpi í gær. Myndin er samstarfsverkefni Skotveiðifélags Íslands, umhverfisráðuneytisins, Náttúrufræðistofnunar Íslands og Umhverfisstofnunar. Lesa meira

Umhverfisráðuneytið, Landvernd og Náttúruskóli Reykjavíkur buðu nemendum í Hjólaríi Snælandsskóla í hjólreiðaferð í liðinni viku. Nemendurnir voru útnefndir Varðliðar umhverfisins á Degi umhverfisins í ár og var ferðin viðurkenning fyrir þann árangur.

Lesa meira

Á 15. Stefnumóti umhverfisráðuneytisin og Stofnunar Sæmunar fróða flytur dr. Adil Najam erindi um loftslagsbreytingar, þróun og öryggi. Dr. Najam er einn af aðalhöfundum 3. og 4. skýrslu Vísindanefndar S.þ. um loftslagsbreytingar. Þá var hann nýlega skipaður í Þróunarnefnd Sameinuðu þjóðanna (CDP), tilnefndur af Ban Ki-moon, aðalritara Sameinuðu þjóðanna.  Lesa meira

Umhverfisráðuneytið boðar til kynningar- og umræðufundar um leiðir til að draga úr losun gróðurhúsalofttegunda. Lesa meira

Sænska verkefnið I ur og skur hlaut náttúru- og umhverfisverðlaun Norðurlandaráðs í ár. Dómnefnd verðlaunanna ákvað þetta á fundi, sem haldinn var hér á landi í gær. Í rökstuðningi dómnefndar segir að aðferðir I Ur og skur hvetji til til útivistar og séu frábært dæmi um verkefni sem stuðlar að velferð barna og auki skilning þeirra á náttúrunni.

Lesa meira

Rúmlega 400 hafa skráð sig til þátttöku á Umhverfisþingi sem hefst á föstudag og verður þingið því það fjölmennasta hingað til. Sjálfbær þróun verður meginefni þingsins að þessu sinni. Lögð verður áhersla á virka þátttöku þinggesta og því verður efnt til umræðna í heimskaffistíl.

Lesa meira

Konur verða að koma að ákvörðunum og skipulagi í loftslagsmálum til jafns á við karla, sagði Svandís Svavarsdóttir umhverfisráðherra í ávarpi í Háskóla Íslands í gær sem hún flutti á táknmáli. Þetta var í fyrsta sinn sem íslenskur ráðherra flytur ávarp á táknmáli svo vitað sé.

Lesa meira

Montrealbókunin um vernd ósonlagsins er fyrsti alþjóðasamningur á sviði umhverfismála sem öll 196 ríki heims hafa staðfest. Austur-Tímor undirritaði samninginn, síðust þjóða, á degi ósonlagsins 16. september síðastliðinn. Lesa meira

Ósk Vilhjálmsdóttir og Ásta Arnardóttir eru komnar áfram í aðra umferð í vali um það hver hlýtur Náttúru- og umhverfisverðlaun Norðurlandaráðs í ár. Dómnefnd ákveður hver hlýtur verðlaunin á fundi sem haldinn verður á Íslandi þann 7. október. Lesa meira

Dagana 17.-19. september 2009 verður efnt til alþjóðlegrar ráðstefnu í Reykjavík um þátt skóga og skógræktar í því að efla útivist og lýðheilsu almennings í þéttbýli. Ráðstefnan er haldin er í tengslum við formennskuár Íslands í norrænu ráðherranefndinn og Skógrækt ríkisins er meðal skipuleggjenda.

Lesa meira

Umhverfisráðuneytið, Stofnun Sæmundar fróða um sjálfbæra þróun, Alþjóðamálastofnun Háskóla Íslands og utanríkisráðuneytið efna til opins fundar um alþjóðlegar samningaviðræður í aðdraganda Loftslagsráðstefnu Sameinuðu þjóðanna sem fram fer í Kaupmannahöfn í desember. Lesa meira

Svandís Svavarsdóttir umhverfisráðherra og dr. Robert Costanza visthagfræðingur áttu fund í umhverfisráðuneytinu fyrir helgi. Þau ræddu m.a. skoðanir dr. Constanza á vanköntum hagvaxtarútreikninga og hugmyndir sem uppi eru um að bæta þurfi umhverfis- og félagslegum þáttum inn í útreikninga á þjóðhagsvísum. Lesa meira

Umhverfisfræðsluráð og Landvernd boða til málþings um þjóðaráætlun um menntun til sjálfbærni þriðjudaginn 15. september. Ástralskir sérfræðingar á sviði menntunar til sjálfbærni verða meðal fyrirlesara. Lesa meira

Landgræðsla ríkisins veitti hin árlegu landgræðsluverðlaun við hátíðlega athöfn á Kirkjubæjarklaustri í liðinni viku. Umhverfisráðherra, Svandís Svavarsdóttir, afhenti verðlaunin. Lesa meira

Náttúrufræðistofnun Íslands hefur birt ýmsan fróðleik um pöddur á heimasíðu stofnunarinnar. Stofnunin reynir með þessu að mæta auknum áhuga landsmanna á náttúru landsins. Lesa meira

Alls bárust 63 tilnefningar til Náttúru- og umhverfisverðlauna Norðurlandaráðs í ár, þar af átta frá Íslandi. Kolbrún Halldórsdóttir er nýskipaður formaður dómnefndarinnar verðlaunanna. Lesa meira

Nýr vefur um vistvæn innkaup hefur verið opnaður á slóðinni vinn.is. Á vefnum eru hagnýtar upplýsingar sem gagnast kaupendum og útboðsaðilum, um það hvernig best er að kaupa inn og bjóða út á vistvænan hátt. Þar er einnig að finna ráðleggingar til seljenda.

Lesa meira

Rík áhersla verður lögð á samstarf við landeigendur, sveitarstjórnir og heimamenn þeirra landsvæða sem náttúruverndaráætlun 2009-2013 nær til. Þetta er meðal þess sem kemur fram í grein Svandísar Svavarsdóttur umhverfisráðherra í Morgunblaðinu 17. júní 2009. Lesa meira

Svandís Svavarsdóttir umhverfisráðherra afhenti nemendum og starfsfólki leikskólans Fururgrundar í Kópavogi Grænfánann í liðinni viku. Þetta var fyrsti Grænfáninn sem Svandís afhendir frá því að hún tók við starfi umhverfisráðherra.

Lesa meira

Umhverfisráðuneytið og Landgræðsla ríkisins standa fyrir morgunverðarfundi þriðjudaginn 16. júní á Grand Hótel í tilefni af alþjóðlega jarðvegsverndardeginum , sem er 17. Júní. Meðal fyrirlesara eru Dr. Luca Montanarella, yfirmaður jarðvegsverndardeildar Institute of Environment and Sustainability í Ispra á Ítalíu. Lesa meira

,,Í Kýótó var erindi Íslands einkum að biðja um undanþágur frá reglum bókunarinnar. Í Kaupmannahöfn mun Ísland ganga til liðs við þau ríki sem ætla sér að vera í framvarðasveit í baráttunni gegn loftslagsbreytingum Lesa meira

Norræna umhverfisfjármögnunarfélagið (NEFCO) og norræni verkefnaútflutningssjóðurinn (NOPEF) kynntu starfsemi sína á morgunverðarfundi á Grand Hótel í morgun. Magnús Jóhannesson, ráðuneytisstjóri umhverfisráðuneytisins, tók nýverið við formennsku í NEFCO.

Lesa meira

Norræna umhverfisfjármögnunarfélagið (NEFCO) og norræni verkefnaútflutningssjóðurinn (NOPEF) efna til kynningar á starfsemi sjóðanna miðvikudaginn 27. maí kl. 08.15 á Grand Hótel Reykjavík. Lesa meira

Umhverfisráðuneytið og Náttúrufræðistofnun Íslands boða til morgunverðarfundar á degi líffræðilegrar fjölbreytni, 22. maí. Fjallað verður um ágengar framandi tegundir. Lesa meira

Loftslagsbreytingar á Norðurslóðum eru enn hraðari en talið hefur verið til þessa. Þetta er meðal þess sem kom fram á ráðstefnu sem haldin var í tengslum við ráðherrafund Norðurskautsráðsins í Tromsö í Noregi fyrir skömmu.

Lesa meira

Nýlega úthlutaði Kvískerjasjóður styrkjum ársins 2009. Tólf umsóknir bárust og var samanlögð upphæð umsókna á sjöttu milljón króna. Að þessu sinni er úthlutað til sjö verkefna.

Lesa meira

Kolbrún Halldórsdóttir umhverfisráðherra tók þátt í að ræsa átakinu Hjólað í vinnuna í Húsdýragarðinum í Reykjavík í morgun. Meginmarkmið átaksins er að vekja athygli á hjólreiðum sem heilsusamlegum, umhverfisvænum og hagkvæmum samgöngumáta. Lesa meira

Á næsta stefnumóti umhverfisráðuneytisins og Stofnunar Sæmundar fróða um sjálfbæra þróun verður fjallað um áhrif jarðvarmavirkjana á háhitasvæði og loftgæði. Lesa meira

Kolbrún Halldórsdóttir umhverfisráðherra flutti eftirfarandi ávarp á ráðstefnu Skipulagsstofnunar Að móta byggð sem haldin var 30. apríl 2009. Lesa meira

Kolbrún Halldórsdóttir umhverfisráðherra tók við eintaki af bókinni Konur geta breytt heiminum með nýjum lífsstíl á degi jarðar 22. apríl. Bókin fjallar um þau áhrif sem konur geta haft á umhverfið og samfélagið, með því að beina innkaupum sínum og lífsmáta inn á grænni brautir. Lesa meira

Umhverfisráðherra þáði heimboð Sambands sveitarfélaga á Austurlandi í dag. Ráðherrann ræddi m.a. við forsvarsmenn Fjarðabyggðar og Fljótsdalshéraðs.

Lesa meira

Á degi umhverfisins 25. apríl boða umhverfisráðuneytið, Nýsköpunarmiðstöð Íslands og Félag umhverfisfræðinga til málþings um vistvæna nýsköpun og nýjar áherslur í atvinnuuppbyggingu.

Lesa meira

Auglýst hefur verið eftir tilboðum í byggingu Gestastofu Vatnajökulsþjóðgarðs á Skriðuklaustri, en hún verður fyrsta byggingin hér á landi sem verður byggð samkvæmt vottuðum vistvænum byggingarstöðlum. Útboðið er unnið samkvæmt stefnu ríkisstjórnarinnar um vistvæn innkaup. Lesa meira

Kolbrún Halldórsdóttir umhverfisráðherra flutti eftirfarandi ávarp á ráðstefnu Landgræðslunnar og Háskólafélags Suðurlands sem haldin var í Gunnarsholti 3. apríl 2009 þar sem fjallað var um evrópskt rannsókna- og styrkjaumhverfi og möguleika Íslendinga til að fá styrki til rannsókna. Lesa meira

Norræna ráðherranefndin hefur gefið út framkvæmdaáætlun í umhverfismálum 2009-2012. Í áætluninni er stefnumótun í norrænu umhverfisstarfi tíunduð og m.a. fjallað um hafið, líffræðilega fjölbreytni og sjálfbæra neyslu. Þá hefur einnig verið gefin út norræn áætlun um sjálfbæra þróun. Lesa meira

Umhverfisráðuneytið á að fá hliðstæða stöðu í Stjórnarráði Íslands og ráðuneyti fjármála og efnahagsmála, að mati Kolbrúnar Halldórsdóttur umhverfisráðherra. Þetta var meðal þess sem kom fram í ávarpi hennar á ársfundi Umhverfisstofnunar. Lesa meira

Umhverfisráðherra, Kolbrún Halldórsdóttir, opnaði nýja útgáfu af vef Veðurstofu Íslands í gær, á alþjóðaveðurdeginum 23. mars. Nýja útgáfan er m.a. komin til vegna sameiningar Veðurstofu Íslands og Vatnamælinga Orkustofnunar. Lesa meira

Á næsta Stefnumóti umhverfisráðuneytisins og Stofnunar Sæmundar fróða um sjálfbæra þróun verður fjallað um umhverfis- og auðlindaákvæði í stjórnarskrám. Aðalheiður Jóhannsdóttir og Ellý Katrín Guðmundsdóttir flytja erindi. Lesa meira

Líffræðilegur fjölbreytileiki á í vök að verjast á Norðurlöndum. Svæði með verðmætri náttúru hafa minnkað samhliða því að landbúnaður, samgöngukerfi og byggð breiða úr sér. Þetta eru niðurstöður nýrrar skýrslu sem Norræna ráðherranefndin hefur látið gera. Lesa meira

Verkefnisstjórn rammaáætlunar um nýtingu vatnsafls og jarðvarma hefur opnað heimasíðu. Vefsíðan er sniðin að þeim sem vilja kynna sér rammaáætlun, tilurð hennar, markmið, verklag og framgang.

Lesa meira

Norðurlönd geta sýnt fram á að sameina megi hagvöxt og vistvæna framleiðslu. Þetta er meðal þess sem ráðherrar Norðurlandanna fjölluðu um á norrænu hnattvæðingarþingi sem haldið var á Íslandi í liðinni viku.  Lesa meira

Stórt skref var stigið í átt að alþjóðlegum samningi um kvikasilfur á árlegum ráðherrafundi Umhverfisstofnunar Sameinuðu þjóðanna sem haldinn var í Nairobi í Kenía í liðinni viku.

Lesa meira

Kvískerjasjóður auglýsir eftir umsóknum um styrki fyrir árið 2009. Hlutverk sjóðsins er að stuðla að og styrkja rannsóknir á náttúrufari og menningarminjum í Austur Skaftafellssýslu. Lesa meira

,,Við stöndum ekki ein – við erum hluti af hinni norrænu fjölskyldu og þar hjálpumst við að. Þar erum við ekki síður veitendur en þiggjendur". Þetta er meðal þess sem segir í grein Kolbrúnar Halldórsdóttur umhverfis- og samstarfsráðherra í Morgunblaðinu 16. febrúar. Lesa meira

Tillaga að náttúruverndaráætlun 2009-2013 verður til umfjöllunar á 11. Stefnumóti umhverfisráðuneytisins og Stofnunar Sæmundar fróða um sjálfbæra þróun. Lesa meira

Boðað er til verkefnasamkeppni um umhverfismál á meðal grunnskólabarna í 5. til 10. bekk. Keppnin kallast Varðliðar umhverfisins en umhverfisráðuneytið, Landvernd og Náttúruskóli Reykjavíkur standa að henni. Lesa meira

Ný stofnun, Veðurstofa Íslands, tók til starfa um áramótin. Á sama tíma lét Magnús Jónsson veðurstofustjóri af störfum og við starfi forstjóra nýrrar stofnunar tók Árni Snorrason. Lesa meira

Tíu ár eru liðin frá því að Landmælingar Íslands fluttu starfsemi sína á Akranes. Um 400 manns heimsóttu stofnunina af þessu tilefni og kynntu sér starfsemi hennar. Lesa meira

Löggjöf Evrópusambandsins hefur átt stóran þátt í því að flýta fyrir framförum á ýmsum sviðum umhverfismála hér á landi. Þetta er meðal þess sem segir í grein Þórunnar Sveinbjarnardóttur umhverfisráðherra í Morgunblaðinu í dag. Lesa meira