Beint í leiðarkerfi vefsins.
Efst á baugi
Starfsemi Vatnamælinga og Veðurstofu Íslands sameinast í einni stofnun
Ákveðið hefur verið að sameina starfsemi Vatnamælinga og Veðurstofu Íslands í nýrri stofnun sem gert er ráð fyrir að taki til starfa eigi síðar en 1. janúar 2009. Fyrirhuguð stofnun gengur undir vinnuheitinu Vatna- og Veðurstofa Íslands. Þetta var meðal þess sem fram kom í ræðu Þórunnar Sveinbjarnardóttur umhverfisráðherra á málstofu um niðurstöður loftslagsverkefnis á 60 ára afmæli Vatnamælinga í dag.
Lesa meira
Losun gróðurhúsalofttegunda frá vegasamgöngum hefur aukist mikið
Losun gróðurhúsalofttegunda frá vegasamgöngum jókst um 60% frá 1990 til 2006 að mati Vegagerðarinnar. Þetta kemur fram í frétt á heimasíðu fjármálaráðuneytisins. Þar segir ennfremur að í árslok 1990 hafi 134.000 ökutæki verið skrásett hér á landi en þau séu nú 292.000. Fjöldi ökutækja hefur því meira en tvöfaldast á þessu tímabili.
Lesa meira
Starf forstjóra Umhverfisstofnunar er laust til umsóknar
Umhverfisráðuneytið auglýsir starf forstjóra Umhverfisstofnunar laust til umsóknar. Starfssvið forstjórans er stjórnun og stefnumótun stofnunarinnar, ábyrgð á rekstri, áætlanagerð, starfsmannamál og samskipti við stjórnvöld og hagsmunaaðila. Umsóknarfrestur er til og með 10. janúar næstkomandi.
Lesa meira
Loftslagsstefna Íslands í þriðja sæti
Ísland er í þriðja sæti á lista þýsku félagasamtakanna Germanwatch þar sem borin er saman frammistaða ríkja í loftslagsmálum. Skýrslan var kynnt á þingi aðildarríkja Rammasamnings Sameinuðu þjóðanna um loftslagsbreytingar sem fram fer á Bali í Indónesíu. Ísland var í fjórtánda sæti á listanum fyrir ári síðan en hefur nú færst upp í þriðja sæti listans á eftir Svíum og Þjóðverjum.
Lesa meira
Ávarp umhverfisráðherra á opnum fundi Framtíðarlandsins um Árósasamninginn
Þórunn Sveinbjarnardóttir flutti eftirfarandi ávarp um stöðu lýðræðis-, skipulags-, og umhverfismála með hliðsjón af Árósasamningnum á opnum fundi á vegum Framríðarlandsins um Árósasamninginn 5. desember 2007.
Lesa meira
Erlendar tegundir, bölvun eða blessun?
Fimmta Stefnumót umhverfisráðuneytisins og Stofnunar Sæmunar fróða um sjálfbæra þróun fer fram á föstudag og fjallar um áhættuna sem fylgir því þegar erlendar plöntur eða dýr er flutt inn til landsins. Snorri Baldursson, forstöðumaður upplýsingadeildar Náttúrufræðistofnunar Íslands, og Þröstur Eysteinsson, fagmálastjóri hjá Skógrækt ríkisins, munu flytja erindi.
Lesa meira
Loftslagsþing Sameinuðu þjóðanna hófst á Balí í dag
Þrettánda Loftslagsþing aðildarríkja Rammasamnings Sameinuðu þjóðanna um loftslagsbreytingar hófst á Balí í Indónesíu í dag og stendur til 14. desember. Fulltrúar 180 ríkja sitja fundinn ásamt fulltrúum alþjóðastofnana, félagasamtaka og fjölmiðla. Vonast er til að í Balí verði lagður grunnur að samkomulagi um hvað taki við þegar Kyoto-bókunin um takmarkanir á losun gróðurhúsalofttegunda fellur úr gildi í lok árs 2012.
Lesa meira
Forstjóri Náttúrufræðistofnunar kosinn forseti Bernarsamningsins
Jón Gunnar Ottósson, forstjóri Náttúrufræðistofnunar Íslands, var í dag kosinn forseti Bernarsamningsins á aðildarríkjafundi samningsins í Strasborg í Frakklandi. Bernarsamningurinn fjallar um verndun villtra plantna, dýra og lífsvæða í Evrópu og er einn af grundvallar samningum Evrópu á sviði umhverfisverndar.
Lesa meira
Sveitarfélög komi í auknum mæli að rekstri náttúrustofa
Þórunn Sveinbjarnardóttir umhverfisráðherra segist undrast hversu erfiðlega gangi að fá fleiri sveitarfélög að rekstri náttúrustofa. Þetta kom fram í ræðu hennar á ársfundi Samtaka náttúrustofa í Náttúrugripasafni Bolungarvíkur fyrir skömmu. Umhverfisráðherra sagði að ef fleiri sveitarfélög kæmu að rekstrinum ætti að skapast grundvöllur fyrir frekari fjölgun starfa og styrkingu náttúrustofanna.
Lesa meira
Náttúrufræðistofnun Íslands verður við Jónasartorg
Ákveðið hefur verið að torgið sem fyrirhugað hús Náttúrufræðistofnunar Íslands mun rísa við skuli heita Jónasartorg. Bæjarstjórn Garðabæjar samþykkt tillögu þess efnis í dag, á 200 ára fæðingarafmæli þjóðskáldsins og náttúrufræðingsins Jónasar Hallgrímssonar. Jónas hefur stundum verið kallaður fyrsti íslenski náttúrufræðingurinn.
Lesa meira
Hólmarar hugsa áður en þeir henda
Þórunn Sveinbjarnardóttir umhverfisráðherra var viðstödd undirritun samnings Stykkishólmsbæjar og Íslenska gámafélagsins um flokkun sorps og moltugerð í gær. Samkvæmt samningnum fær hvert heimili í bænum þrjár tunnur til ráðstöfunar; hefðbundna ruslatunnu, tunnu fyrir endurvinnanlegan úrgang og tunnu undir lífrænan úrgang.
Lesa meira
Umhverfisráðherra heimsækir SORPU
Þórunn Sveinbjarnardóttir umhverfisráðherra heimsótti SORPU fyrir skömmu og kynnt sér starfsemi hennar. Hún skoðaði meðal annars móttökustöðina í Gufunesi og á urðunarstað í Álfsnesi þar sem metanframleiðsla fer fram og ræddi um verkefni sveitarfélaga í sorphirðumálum og þær skyldur sem sveitarfélög þurfa að uppfylla á þessu sviði.
Lesa meira
Nýtt skipurit Umhverfisstofnunar
Umhverfisstofnun skiptist í tvö fagsvið og þrjú stoðsvið samkvæmt nýju skipuriti stofnunarinnar sem kynnt var í gær en tekur gildi um næstu áramót. Fagsviðin verða svið náttúru- og dýraverndar og svið hollustuverndar og mengunarvarna. Stoðsviðin þrjú verða svið lögfræði og stjórnsýslu, svið fjármála og reksturs og svið fræðslu og upplýsingamála.
Lesa meira
Albertslund fékk umhverfisverðlaun Norðurlandaráðs
Bæjaryfirvöld í Albertslund í Danmörku unnu umhverfisverðlaun Norðurlandaráðs í ár. Bæjarfélagið fékk verðlaunin fyrir framúrskarandi árangur í anda sjálfbærrar þróunar. Meðal annars hefur bæjaryfivöldum tekist að minnka losun koltvísýrings um 46% frá árinu 1986.
Lesa meira
Ávarp umhverfisráðherra á ársfundi Úrvinnslusjóðs 2007
Þórunn Sveinbjarnardóttir, umhverfisráðherra, flutti eftirfarandi ávarp á ársfundi Úrvinnslusjóðs sem haldinn var 5. nóvember 2007.
Lesa meira
Ávarp umhverfisráðherra á ráðstefnunni Náttúran og nærumhverfið
Þórunn Sveinbjarnardóttir, umhverfisráðherra, ávarpaði á ráðstefnunni Náttúran og nærumhverfið sem haldin var í Garðabæ 2. nóvember 2007. Í ávarpi sínu lýsti hún m.a. skoðun sinni að tímabært sé að lyfta náttúruverndinni - í umræðu og stefnumótun - bæði á sveitarstjórnarstiginu og á vettvangi ríkisvaldsins.
Lesa meira
Hillir undir lausn á húsnæðisvanda Náttúrufræðistofnunar
Náttúrufræðistofnun Íslands hefur ákveðið að ganga til samninga við Urriðaholt ehf. um byggingu nýs húsnæðis fyrir stofnunina í Urriðaholti í Garðabæ. Þetta kom fram í máli Jóns Gunnars Ottóssonar, forstjóra stofnunarinnar á ársfundi hennar fyrir skömmu.
Lesa meira
Annar fundur stjórnar Vatnajökulsþjóðgarðs
Stjórn Vatnajökulsþjóðgarðs hélt annan fund sinn í síðustu viku og var hann haldinn að Skriðuklaustri. Til umfjöllunar voru m.a. drög að framkvæmda- og rekstraráætlunum þjóðgarðsins fyrir árið 2008 og einnig var rætt um væntanlega arkitektasamkeppni um hönnun fjögurra nýrra gestastofa innan Vatnajökulsþjóðgarðs.
Lesa meira
Ávarp umhverfisráðherra á ársfundi Náttúrufræðistofnunar Íslands
Þórunn Sveinbjarnardóttir, umhverfisráðherra, flutti ávarp á ársfundi Náttúrufræðisofnunar Íslands 26. október 2007. Í ávarpi sínu sagðist ráðherra telja að framundan séu mörg sóknarfæri fyrir Náttúrufræðistofnun og möguleiki á að efla stofnunina og starf hennar og áhrif á stefnumótun stjórnvalda.
Lesa meira
Ávarp Þórunnar Sveinbjarnardóttur á ráðstefnunni Landupplýsingar 2007
Þórunn Sveinbjarnardóttir, umhverfisráðherra, flutti ávarp á haustráðstefnu LÍSU samtakanna sem haldin var 17. október 2007.
Lesa meira
Óskað eftir athugasemdum við drög að stefnumörkun um líffræðilega fjölbreytni
Almenningi, félagasamtökum og stofnunum gefst tækifæri til að senda inn athugasemdir við drög að stefnumörkun um líffræðilega fjölbreytni, sem kynnt voru á Umhverfisþingi 12.-13. október. Athugasemdir þurfa að berast fyrir 15. desember.
Lesa meira
Upptökur af ræðum umhverfisráðherra og framkvæmdastjóra UNEP
Nú er hægt að horfa á upptökur af ræðum Þórunnar Sveinbjarnardóttur umhverfisráðherra og Achim Steiner, framkvæmdastjóra Umhverfisstofnunar Sameinuðu þjóðanna, sem þau fluttu við setningu Umhverfisþings. Fljótlega verða birtar upptökur af öðrum erindum sem flutt voru á þinginu.
Lesa meira
Kolefnisjöfnun - hvað er það?
Fjórða Stefnumót umhverfisráðuneytisins og Stofnunar Sæmunar fróða um sjálfbæra þróun fer fram á morgun, þriðjudag og fjallar um kolefnisjöfnun. Á fundinum verður fjallað um hvað kolefnisjöfnun felur í sér, hvernig kolefnisbókhald er haldið, skyldur Íslands og möguleika til að mæta þeim. Stefnumótið hefst kl. 12:00 í fundarsal Þjóðminjasafnsins.
Lesa meira
Frétti af Nóbelsverðlaunum á Umhverfisþingi
Achim Steiner, framkvæmdastjóri Umhverfisstofnunar Sameinuðu þjóðanna (UNEP), var staddur á Umhverfisþingi í gær þegar hann frétti að Loftslagsnefnd Sameinuðu þjóðanna (IPCC) og Al Gore hefðu hlotið friðarverðlaun Nóbels. IPCC er samstarfsverkefni UNEP og Alþjóðaveðurfræðistofnunarinnar.
Lesa meira
Varðliðar umhverfisins á Umhverfisþingi
Krakkar úr bekk 63 úr Hólabrekkuskóla kynntu verkefni sitt um ruslpóst á Umhverfisþingi í morgun. Krakkarnir voru útnefndir Varðliðar umhverfisins af umhverfisráðherra á Degi umhverfisins 25. apríl eftir þátttöku í verkefnasamkeppni umhverfisráðuneytisins, Landverndar og Náttúruskóla Reykjavíkur.
Lesa meira
Áherslur umhverfisráðherra á kjörtímabilinu
Gefið hefur verið út rit um áherslur Þórunnar Sveinbjarnardóttur umhverfisráðherra á kjörtímabilinu. Í inngangi ritar umhverfisráðherra að í ritinu birtist sýn hans á helstu verkefni í ráðuneyti umhverfismála á kjörtímabilinu 2007 til 2011.
Lesa meira
Umhverfisþingi varpað beint á netinu
Umhverfisráðuneytið vill vekja athygli staðardagskrárfulltrúa, sveitarstjórnarmanna og alls áhugafólks um umhverfismál á að fundum Umhverfisþings 2007 verður varpað beint á heimasíðu umhverfisráðuneytisins. Með því er komið til móts við þá sem vilja fylgjast með umræðunum en eiga ekki heimangengt. Einnig verður fjarstöddum boðið að senda þinginu athugasemdir og spurningar með tölvupósti.
Lesa meira
Forstjóri Landmælinga kjörinn forseti EuroGeographics
Magnús Guðmundsson, forstjóri Landmælinga Íslands, verður forseti samtaka korta- og fasteignastofnana í Evrópu næstu tvö árin. Ársþingi samtakanna, EuroGeographics, lauk í dag í Dubrovnik í Króatíu en Landmælingar Íslands og Fasteignamat ríkisins eiga aðild að þeim fyrir Íslands hönd.
Lesa meira
Forstjóri UNEP er heiðursgestur umhverfisþings 2007
Achim Steiner, framkvæmdastjóri Umhverfisstofnunar Sameinuðu þjóðanna (UNEP), verður heiðursgestur Umhverfisþings 2007. Hann mun flytja ávarp við setningu þingsins klukkan 9:00 að morgni föstudagsins 12. október. UNEP
er leiðandi í alþjóðlegri stefnumótun á sviði umhverfismála og veitir ríkisstjórnum og Sameinuðu þjóðunum vísindalegar ráðleggingar um umhverfismál
.
Lesa meira
Einföldunaráætlun umhverfisráðuneytisins
Eins og fram kom í stefnuræðu forsætisráðherra hafa öll ráðuneyti undanfarna mánuði farið yfir reglur sem þau starfa eftir og stjórnsýsluframkvæmd til að koma auga á leiðir til að auðvelda almenningi og fyrirtækjum samskipti við hið opinbera. Hafa ráðuneytin einsett sér að vinna markvisst að úrbótum á næstu tveimur árum.
Lesa meira
Samkomulag um bindingu koltvísýrings sem steintegundar
Þórunn Sveinbjarnardóttir umhverfisráðherra flutti ávarp í Hellisheiðarvirkjun um helgina við undirritun samkomulags um vísindaverkefni sem miðar að bindingu koltvísýrings sem steintegundar í iðrum jarðar. Að verkefninu standa Orkuveita Reykjavíkur, Háskóli Íslands, Columbia háskóli í Bandaríkjunum og Rannsóknarráð Frakklands. Ávarpið var flutt á ensku.
Lesa meira
Drög að dagskrá Umhverfisþings
Nú liggja fyrir drög að dagskrá Umhverfisþings. Sérstök athygli er vakin á því að Achim Steiner, framkvæmdastjóri Umhverfisstofnunar Sameinuðu þjóðanna, UNEP, mun flytja ávarp við þingsetninguna.
Lesa meira
Fertugsafmæli Skaftafellsþjóðgarðs
Haldið var upp á 40 ára afmæli Skaftafellsþjóðgarðs í þjónustumiðstöðinni í Skaftafelli. Við það tilefni kynnti dr. Jack D. Ives nýja bók um Skaftafell, sem fjallar um 1000 ára sögu staðarins. Bókin er bæði gefin út á íslensku og ensku. Þórunn Sveinbjarnardóttur umhverfisráðherra fékk bókina afhenta við þetta tilefni. Í
Lesa meira
Ávarp umhverfisráðherra á ráðstefnunni Driving Sustainability
Þórunn Sveinbjarnardóttir, umhverfisráðherra, flutti ávarp á ráðstefnunni Driving Sustainability sem haldin er í tilefni að samgönguviku 2007 sem nú stendur yfir. Ávarpið er flutt á ensku.
Lesa meira
Mengunarvarnir og hollusta
Þórunn Sveinbjarnardóttir, umhverfisráðherra, flutti ávarp á málþingi sem haldið var á Hótel Loftleiðum í tilefni þess að nú eru 20 ár liðin frá því að Montrealbókunin um efni sem eyða ósonlaginu var undirrituð í Motreal í Kanada.
Lesa meiraMálstofa í tilefni af 20 ára afmæli Montrealbókunarinnar
Umhverfisráðuneytið og Umhverfisstofnun boða til málstofu föstudaginn 14. september í tilefni af 20 ára afmæli Montrealbókunarinnar. Málþingið fer fram á Hótel Loftleiðum og stendur frá kl. 9:00 til 12:00. Allir velkomnir og aðgangur ókeypis.
Lesa meira
Vistvæn hönnun til sýnis
Þórunn Sveinbjarnardóttir umhverfisráðherra opnaði um helgina sýningu Hönnunarsafns Íslands á vistvænni hönnun. Boðskapur sýningarinnar er sá að varla sé lengur hægt að ræða fagurfræði og nytsemi hönnunar án þess að taka tillit til þeirra áhrifa sem hún hefur á umhverfi sitt. Kappkostað var að velja til sýningarinnar vel hannaða og útbreidda nytjahluti, bæði úr fórum safnsins og frá erlendum framleiðendum.
Lesa meira
Grænlensk nefnd kynnir sér íslensk lög um umhverfisvernd og skipulagsmál
Fulltrúar endurskoðunarnefndar grænlenska þingsins komu til fundar með starfsfólki umhverfisráðuneytisins og Umhverfisstofnunar í húsakynnum umhverfisráðuneytisins í liðinni viku. Nefndin var meðal annars stödd hér á landi til að kynna sér orkumál og málefni tengd álverum.
Lesa meira
Umhverfisráðherra og þingmenn skoðuðu Þjórsárver
Þórunn Sveinbjarnardóttir umhverfisráðherra slóst í liðinni viku í för með umhverfisnefnd og iðnaðarnefnd Alþingis í Þjórsárver. Í ferðinni var meðal annars gengið á Sóleyjarhöfða og farið í Þúfuver þar sem lífríkið var skoðað.
Lesa meira
Umhverfisráðherra tekur þátt í landgræðslu
Þórunn Sveinbjarnardóttir tók fyrir skömmu þátt í að planta trjám við Litlu kaffistofuna á vegum samtakanna Gróður fyrir fólk í landnámi Ingólfs. Nemendur úr Vinnuskóla Reykjavíkur og Kópavogs og evrópskir sjálfboðaliðar tóku einnig til hendinni við þetta tilefni en þeir hafa unnið með samtökunum að landgræðslu í sumar.
Lesa meira
Samráðsfundur umhverfisráðuneytisins og frjálsra félagasamtaka
Samráðsfundur umhverfisráðuneytisins með frjálsum félagasamtökum var haldinn fyrir skömmu. Á fundinum gafst Þórunni Sveinbjarnardóttur umhverfisráðherra tækifæri til að ræða við fulltrúa félagasamtaka á sviði umhverfismála og kynna fyrir þeim stefnu nýrrar ríkisstjórnar.
Lesa meira
Umhverfisráðherra heimsækir Samband íslenskra sveitarfélaga
Þórunn Sveinbjarnardóttir, umhverfisráðherra, heimsótti í dag Samband íslenskra sveitarfélaga.
Lesa meira
Umhverfissamstarf Norrænu ráðherranefndarinnar auglýsir eftir starfsmanni
Umhverfissamstarf á vegum Norrænu ráðherranefndarinnar auglýsir eftir starfsmanni í tímabundna stöðu. Starfið felst m.a. í því að samræma aðgerðaáætlanir Norðurlandaþjóðanna sem byggir á Norrænnu framkvæmdaráætluninni 2005-2008.
Lesa meira
Aðgerða er þörf á Íslandi
Grein eftir Þórunni Sveinbjarnardóttur umhverfisráðherra um þekkingu og aðgerðir á sviði loftslagsbreytinga birtist í Fréttablaðinu í dag. Þar greinir hún m.a. frá því að brátt taki til starfa vísindanefnd á vegum umhverfisráðuneytisins sem verður falið að skoða afleiðingar loftslagsbreytinga hér á landi.
Lesa meira
Norðlingaskóli flaggar Grænfána
Þórunn Sveinbjarnardóttir umhverfisráðherra afhenti nemendum og starfsfólki Norðlingaskóla Grænfánann í gær. Það var fyrsti Grænfáninn sem Þórunn afhendir síðan hún tók við starfi umhverfisráðherra. Skólar fá leyfi til að flagga Grænfánanum í tvö ár ef þeir uppfylla skilyrði er varða umhverfismennt og umhverfisstefnu.
Lesa meira
Umræður á Alþingi um stefnuræðu forsætisráðherra
Þórunn Sveinbjarnardóttir umhverfisráðherra tók þátt í umræðum á Alþingi um stefnuræðu forsætisráðherra sem fram fóru 31. maí síðastliðinn. Þar ræddi hún meðal annars um náttúruvernd og loftslagsmál. Hér má lesa ræðuna í heild sinni.
Lesa meira
Umhverfisráðherra opnar Gámavelli
Þórunn Sveinbjarnardóttir umhverfisráðherra opnaði í gær Gámavelli Gámaþjónustunnar í Hafnarfirði. Við það tækifæri benti umhverfisráðherra á að Íslendingar ættu enn langt í land með að ná markmiðum sínum um aukna endurnýtingu og endurnotkun.
Lesa meira
Umhverfisráðherra opnar nýjan vef Veðurstofu Íslands
Þórunn Sveinbjarnardóttir umhverfisráðherra opnaði í gær nýjan vef Veðurstofu Íslands, vedur.is. Nýi vefurinn tekur fyrst og fremst við mið af auknum kröfum um myndræna framsetningu upplýsinga. Á vefnum má finna mikið magn hagnýtra upplýsinga og fróðleiks sem ekki hefur verið aðgengilegur áður.
Lesa meira
Umhverfisráðherra heimsækir stofnanir ráðuneytisins
Þórunn Sveinbjarnardóttir umhverfisráðherra hefur í dag og í gær heimsótt stofnanir sem heyra undir ráðuneytið. Í gær heilsaði hún upp á starfsfólk Umhverfisstofnunar og sagðist við það tilefni vera full tilhlökkunar að takast á við þau mörgu verkefni sem biðu hennar.
Lesa meira
Umhverfisráðherra ræsti kurlvél Fjölsmiðjunnar
Jónína Bjartmarz umhverfisráðherra ræsti í morgun kurlvél í húsakynnum Fjölsmiðjunnar. Umhverfisráðherra veitti 1.500.000 kr. styrk til kaupa á vélinni í nóvember á liðnu ári. Ætlunin er að auka enn þátttöku Fjölsmiðjunnar í endurnýtingu og með kaupum á vélinni skapast verkefni fyrir a.m.k. sex unglinga.
Lesa meira
Umhverfisráðherra hjólar af stað fyrirtækjakeppni
Jónína Bjartmarz umhverfisráðherra tók þátt í opnunarhátíð keppninnar ,,Hjólað í vinnuna" í gær. Það er Íþrótta- og Ólympíusamband Íslands sem skipuleggur keppnina. Umhverfisráðherra sagði við þetta tækifæri að með þessu legði Íþrótta- og ólympíusambandið lóð á vogarskálar umhverfisverndar.
Lesa meira
Ávarp Jónínu Bjartmarz, umhverfisráðherra, á ráðstefnu FENÚR um úrgangsstjórnun
Jónína Bjartmarz, umhverfisráðherra, ávarpaði gesti á ráðstefnu FENÚR sem haldin er í dag 27. apríl 2007 um úrgangsstjórnun til ársins 2020 og gerði þar grein fyrir afstöðu ríkisins til úrgangsstjórnunar.
Lesa meira
Skref fyrir skref
Umhverfisráðuneytið og Landvernd hafa gefið út fræðsluritið Skref fyrir skref. Ritinu er ætlað að vera leiðarvísir að því sem hvert og eitt okkar getur gert til að skapa vistvænni heim og heilsusamlegra umhverfi. Jónína Bjartmarz umhverfisráðherra skrifar í ritið að stjórnvöldum beri skylda til þess að fræða fólk um hvernig það getur breytt eigin háttum til vistvænni lífsstíls. Ritinu sé ætlað einmitt slíkt hlutverk, að leiðbeina fólki frá vilja til verks.
Lesa meira
Ávarp Jónínu Bjartmarz, umhverfisráðherra, á Degi umhverfisins 2007
Jónína Bjartmarz ávarpaði gesti á samkomu sem umhverfisráðuneytið stóð að á Kjarvalsstöðum í tilefni af Degi umhverfisins sem haldinn er hátíðlegur 25. apríl ár hvert.
Lesa meira
Ávarp Jónínu Bjartmarz við opnun Gljúfrastofu
Jónína Bjartmarz umhverfisráðherra ávarpaði gesti og opnaði formlega gestastofuna í þjóðgarðinum Jökulsárgljúfrum sem hlotið hefur nafnið Gljúfrastofa, á sumardaginn fyrsta, 19. apríl 2007.
Lesa meira
Ávarp Jónínu Bjartmarz, umhverfisráðherra, á ráðstefnu um hnattlægar umhverfisrannsóknir og spálíkanagerð.
Jónína Bjartmarz, umhverfisráðherra, ávarpaði gesti á ráðstefnu í Háskóla Íslands 10. apríl 2007 þar sem fjallað var um hnattlægar umhverfisrannsóknir og spálíkanagerð. Ávarpið er á ensku.
Lesa meira
Möguleg umhverfisáhrif af olíuleit innan íslensku landhelginnar
Á þriðja Stefnumóti umhverfisráðuneytisins og Stofnunar Sæmundar fróða við Háskóla Íslands, föstudaginn 13. apríl 2007, verður fjallað um möguleg áhrif olíuleitar innan íslensku landhelginnar á umhverfið. Stefnumótið fer fram í stofu 201 í Árnagarði og hefst kl. 12:15.
Lesa meira
Ávarp umhverfisráðherra á málþingi um vatnasvið á höfuðborgarsvæðinu
Jónína Bjartmarz, umhverfisráðherra, ávarpaði gesti við upphaf málþings sem haldið er í dag á Hótel Loftleiðum og fjallar um vötn og vatnasvið á höfuðborgarsvæðinu og ástand og horfur þessara mála.
Lesa meira
Umhverfisráðherra í viðtali við japanskan fréttaþátt
Jónína Bjartmarz umhverfisráðherra var í viðtali við Tetsuya Chikushi, fréttamann japanska fréttaþáttinn News 23, í dag. Viðtalið kemur til með að verða sýnt í stuttum innslögum um Ísland sem sýndir verða í þáttunum. Umfjöllunarefnið verður hrein orka, hvað Íslendingar eru að gera til minnka notkun jarðefnaeldsneytis auk virkjana- og álversmála. Um 10 milljónir Japana horfa daglega á þáttinn.
Lesa meira
Umhverfisráðuneytið auglýsir eftir sérfræðingi til starfa
Laus er til umsóknar staða sérfræðings á skrifstofu sjálfbærrar þróunar og alþjóðamála. Meðal verkefna skrifstofunnar eru starf á sviði loftslagsmála og umhverfisverndar í hafinu auk söfnunar og framsetningu tölulegra vísa um umhverfismál.
Lesa meiraAuglýst eftir tilnefningum fyrir Kuðunginn 2006
Úthlutunarnefnd á vegum umhverfisráðuneytisins óskar eftir tilnefningum um fyrirtæki, sem vegna verka sinna og athafna á síðasta ári, er þess verðugt að hljóta umhverfisviðurkenningu umhverfisráðuneytisins, Kuðunginn fyrir árið 2006. Tillögur skulu berast umhverfisráðuneytinu eigi síðar en miðvikudaginn 4. apríl.
Lesa meiraÁvarp umhverfisráðherra á ráðstefnu slökkviliðsstjóra 2007
Jónína Bjartmaz umhverfisráðherra flutti ávarp á árlegri ráðstefnu slökkviliðsstjóra sem haldin var á Ránni í Keflavík í dag.
Lesa meira
Kvískerjasjóður auglýsir eftir umsóknum
Kvískerjasjóður auglýsir eftir umsóknum um styrki fyrir árið 2007. Hlutverk sjóðsins er að stuðla að og styrkja rannsóknir á náttúrufari og menningarminjum í Austur Skaftafellssýslu með veitingu rannsóknarstyrkja til einstaklinga og stofnana. Umsóknarfrestur er til 13. apríl.
Lesa meira
Umhverfisráðherra á ferð um hálendið
Jónína Bjartmarz umhverfisráðherra fór í hálendisferð með félagsmönnum í Ferðaklúbbnum 4x4 um liðna helgi en að undanförnu hafa farið fram viðræður milli umhverfisráðherra og ýmissa félaga og samtaka vegna réttaróvissu varðandi utanvegaakstur.
Lesa meira
Fræðslufundaröð Sesseljuhúss og Landverndar
Sesseljuhús og Landvernd hafa sett saman fræðslufundaröð um umhverfismál. Boðið verður upp á sex fundi en fyrsti fundurinn fer fram miðvikudaginn 14. mars. Umhverfisráðuneytið er helsti styrktaraðili Sesseljuhúss.
Lesa meira
Ávarp Jónínu Bjartmarz umhverfisráðherra á ráðstefnu VFÍ og TFÍ
Jónína Bjartmarz umhverfisráðherra ávarpaði gesti á ráðstefnu Verkfræðingafélags Íslands og Tæknifræðingafélags Íslands sem haldin var 1. mars 2007 undir yfirskriftinni Er nýting fallvatna og jarðhita í sátt við umhverfi sitt.
Lesa meira
Ávarp umhverfisráðherra á ráðstefnu Evrópuþingsins
Jónína Bjartmarz umhverfisráðherra flutti ávarp á ráðstefnu Evrópuþingsins um Norðlægu víddina í Brussel í gær. Í máli hennar kom m.a. fram að Heimskautaár Sameinuðu þjóðanna sem hefst í dag muni efla rannsókna- og vísindastarf á heimskautasvæðunum. Þá lagði hún áherslu á mikilvægi virks samstarf þjóða við Norður-Atlantshaf vegna aukinna skipaflutninga á þessu svæði með gas og olíu. Hér má lesa erindið í heild sinni á ensku.
Lesa meira
Er hægt að leysa loftslagsvandann?
Á öðru Stefnumóti umhverfisráðuneytisins og Stofnunar Sæmundar fróða við Háskóla Íslands, föstudaginn 2.mars 2007, verða loftslagsbreytingar til umræðu undir fundarheitinu Er hægt að leysa loftslagsvandann? Stefnumótið fer fram í stofu 201 í Árnagarði og hefst kl. 12:15.
Lesa meira
Varðliðar umhverfisins
Umhverfisráðuneytið, Landvernd og Náttúruskóli Reykjavíkur boða til verkefnasamkeppni grunnskólabarna undir heitinu Varðliðar umhverfisins. Keppnin er ætluð ungu fólki í 5. til 10. bekk og hún á að hvetja ungt fólk til góðra verka í umhverfisvernd, vekja athygli á sýn ungs fólks á umhverfismál og kalla eftir leiðsögn yngri kynslóðarinnar á því sviði. Skilafrestur verkefna er 20. mars.
Lesa meira
Loftslagið er á ábyrgð okkar allra
Jónína Bjartmarz umhverfisráðherra skrifaði grein í Morgunblaðið á laugardag um loftslagsmál. Þar undirstrikaði hún að hlýnun andrúmsloftsins sé hnattrænt vandamál sem kalli á sameiginlegt átak ríkja heims.
Lesa meira
Hvernig ökum við í átt að vistvænni framtíð
Jónína Bjartmarz umhverfisráðherra ávarpaði í dag gesti á ráðstefnu Metan hf., Sorpu bs. og Olíufélagsins ehf. sem haldin var í tilefni af 10 ára afmæli gassöfnunar í Álfsnesi undir yfirskriftinni Hvernig ökum við í átt að vistvænni framtíð.
Lesa meira
Veðurstofan veitir upplýsingar um loftslagsskýrslu
Veðurstofa Íslands hefur á heimasíðu sinni birt íslenska þýðingu á fréttatilkynningu frá Alþjóðaveðurfræðistofnuninni (WMO) og Umhverfisstofnun Sameinuðu þjóðanna (UNEP) vegna ástandsskýrslu Milliríkjanefdarinnar um loftslagsbreytingar sem birt var á föstudag.
Lesa meira
Ársfundur stjórnarnefndar Umhverfisstofnunar Sþ
Dagana 5.-9. febrúar fer fram fundur í stjórnarnefnd Umhverfisstofnunar Sameinuðu þjóðanna (UNEP). Auk hefðbundinna starfa varðandi starfsáætlun og fjárlög stofnunarinnar næstu tvö árin verður á fundinum sérstaklega rætt um hnattvæðingu og umhverfismál og hvernig efla má starf Sameinuðu þjóðanna að umhverfismálum á komandi árum.
Lesa meira
Samstarf umhverfisráðuneytisins og Stofnunar Sæmundar fróða
Umhverfisráðuneytið og Stofnun Sæmundar fróða við Háskóla Íslands hafa ákveðið að efna saman til Stefnumóta, þar sem brýn umhverfismál verða tekin fyrir á opnum fundum. Á fyrsta Stefnumóti, föstudaginn 2.febrúar 2007, verður svifryk til umræðu undir fundarheitinu Hvað svífur yfir Esjunni?
Lesa meira
Ávarp umhverfisráðherra um skipulagsmál á Hornströndum
Jónína Bjartmarz umhverfisráðherra flutti ávarp á ráðstefnu um skipulagsmál á Hornströndum sem haldin var á Ísafirði í dag. Þar fjallaði hún m.a. um stöðu friðlandsins á Hornströndum og friðun sjófuglabyggða.
Lesa meira
Veðurstofa Íslands fær alþjóðlega gæðavottun
Veðurstofa Íslands fékk í dag formlega afhent viðurkenningarskjal frá Bresku gæðavottunarstofnuninni um að flugveðurþjónusta stofnunarinnar uppfylli kröfur alþjóðlega gæðastaðalsins ISO-9001. Í ávarpi sem Jónína Bjartmarz umhverfisráðherra flutti við þetta tækifæri sagði hún m.a. að Ísland hefði veigamiklu hlutverki að gegna varðandi öryggismál fyrir alþjóðlega flugumferð á Norður-Atlantshafi.
Lesa meira
Umhverfisráðherra heimsótti stærstu ferðakaupstefnu Norðurlanda
Jónína Bjartmarz umhverfisráðherra heimsótti finnsku ferðakaupstefnuna Helsinki Travel Fair í Helsinki í dag ásamt Hannesi Heimissyni sendiherra. Á annan tug íslenskra fyrirtækja voru með kynningu á sýningunni og lögðu áherslu á ævintýraferðir. Ráðherra hitti einnig fulltrúa frá erlendum ferðaskrifstofum sem eiga viðskipti við Ísland og leggja sum hver sérstaka áherslu á umhverfisvæna ferðaþjónustu.
Lesa meira
Umhverfisráðherra fjallar um samstarf í umhverfismálum
Jónína Bjartmarz umhverfisráðherra og samstarfsráðherra Norðurlanda er nú stödd í Hanasaari í Finnlandi á ráðstefnu um Norðlægu víddina og norrænt samstarf. Þar flutti hún ávarp þar sem hún fjallaði m.a. um mikilvægi alþjóðlegs samstarfs á sviði loftslagsmála, fiskveiðistjórnunar og um öryggi siglingaleiða við strendur Íslands, Noregs og Grænlands í kjölfar aukinna olíu- og gasflutninga. Ræðan var flutt á ensku.
Lesa meira
Vel að verki staðið við Hvalsnes
Jónína Bjartmarz umhverfisráðherra skrifaði grein í Fréttablaðið á gamlársdag um vel heppnaðar bráðaaðgerðir til að forða mengunarslysi við strandstað flutningaskipsins Wilson Muuga á Reykjanesi.
Lesa meira
Þetta vefsvæði byggir á Eplica