Svandís Svavarsdóttir umhverfisráðherra og forstöðumenn átta stofnana ráðuneytisins undirrituðu nýverið árangursstjórnunarsamninga milli ráðuneytisins og stofnananna. Samningarnir festa í sessi samskiptaferli milli ráðuneytisins og stofnananna og eru grundvöllur áætlanagerðar, stefnumótunar og árangursmats. Þá er lögð sérstök áhersla á að jafna stöðu kynjanna í allri starfsemi stofnananna.

Umhverfisráðuneytið hefur sett reglugerð sem er ætlað að draga úr losun gróðurhúsalofttegunda sem eru aðallega notaðar sem kælimiðlar á kæli- og frystibúnað og á varmadælur. Reglugerðin gerir auknar kröfur um menntun og starfsumhverfi bifvélavirkja, rafvirkja og starfsfólks í kæli- og frystiiðnaði.

Frumvarpsdrög um breytingar á lögum um náttúruvernd eru nú opin öllum til umsagnar og hefur umsagnarfrestur verið framlengdur til og með 21. janúar 2011. Til stóð að umsagnarfrestur yrði til 7. janúar en vegna fjölda óska hefur ráðuneytið ákveðið að framlengja hann eins og að framan greinir.

Náttúrufræðistofnun Íslands er flutt í nýtt húsnæði í Garðabæ sem er sérstaklega hannað fyrir starfsemi stofnunarinnar. Í húsinu er nýjustu tækni beitt til að tryggja varðveislu náttúrugripa, sem margir eru mjög verðmætir og sjaldgæfir.

Alþingi samþykkti í dag frumvarp umhverfisráðherra til laga um mannvirki. Markmið nýju laganna er að auka öryggi og gæði mannvirkja, efla neytendavernd, gera stjórnsýslu mannvirkjamála sem skilvirkasta, auka faglega yfirsýn í málaflokknum og tryggja samræmt byggingareftirlit um land allt.

Ráðuneytisstjóri umhverfisráðuneytisins og sendiherra Bretlands á Íslandi undirrituðu í dag viljayfirlýsingu um samstarf Íslands og Bretlands á sviði rannsókna og eftirlits með eldsumbrotum á Íslandi og umhverfisáhrifum og áhættu af völdum þeirra.

Drög að frumvarpi til laga um breytingar á þremur efnisatriðum náttúruverndarlaga er nú opið til umsagnar. Drögin voru unnin af nefnd sem Svandís Svavarsdóttir umhverfisráðherra skipaði í nóvember 2009 til að vinna að endurskoðun náttúruverndarlaga.

Veðurstofa Íslands fagnar níutíu ára afmæli á þessu ári og af því tilefni efnir stofnunin til afmælisfundar í dag og veðurspáleiks á heimasíðu stofnunarinnar. Umhverfisráðherra sagði í ávarpi á afmælisfundinum í morgun að starfsfólk Veðurstofunnar hefði staðið sig frábærlega á eldgosavaktinni á afmælisárinu

Samkomulag náðist í dag á loftslagsráðstefnunni í Cancún í Mexíkó um efldar alþjóðlegar aðgerðir og fjármögnun í loftslagsmálum. Eitt stærsta skrefið í samkomulaginu eru vilyrði um stóraukin framlög til þróunarríkja til að takast á við afleiðingar loftslagsbreytinga og draga úr losun gróðurhúsalofttegunda.

Heimsminjanefnd Íslands hefur opnað heimasíðu um heimsminjasamning UNESCO og framkvæmd hans hér á landi. Á heimasíðunni má finna fréttir af samninginum, upplýsingar um aðild Íslands að honum og um Þingvelli og Surtsey, en það eru þeir staðir á Íslandi sem eru á heimsminjaskrá UNESCO.

Umhverfisráðuneytið hefur unnið áætlun um framkvæmd stefnumörkunar um líffræðilega fjölbreytni. Svandís Svavarsdóttir umhverfisráðherra segir með gerð framkvæmdaáætlunarinnar hafi loksins verið lögð fram áætlun um það hvernig Ísland muni uppfylla ákvæði Samningsins um líffræðilega fjölbreytni.

Svandís Svavarsdóttir umhverfisráðherra afhenti nýverið leikskólanum Sólborg í Reykjavík Grænfánann. Nú taka tæplega 200 skólar á öllum skólastigum þátt í verkefninu Skólar á grænni grein (Eco-Schools) og af þeim flagga 110 skólar Grænfánanum.

Svandís Svavarsdóttir umhverfisráðherra skipaði í sumar stýrihóp til að fylgja eftir tillögum um aðgerðir varðandi útbreiðslu, varnir og nýtingu alaskalúpínu og skógarkerfils. Stýrihópurinn hefur nú skilað ráðherra áfangaskýrslu, en þar er gerð grein fyrir ýmsum verkefnum sem unnið hefur verið að.

Velferð til framtíðar, stefnumótun Íslands um sjálfbæra þróun hefur nú verið uppfærð fyrir tímabilið 2010-2013 og hefur skýrslan verið gefin út á netinu. Stefnumörkun um sjálfbæra þróun var fyrst gefin út árið 2002 hefur hún verið endurskoðuð á fjögurra ára fresti í tengslum við umhverfisþing.

Losun gróðurhúsalofttegunda er veigamikill þáttur í mati á tilboðum í útboði Ríkiskaupa á bifreiðum sem nú stendur yfir og Ríkiskaup vinna nú að gerð íslenskra umhverfisskilyrða fyrir útboð. Þetta er í samræmi við nýja aðgerðaáætlun í loftslagsmálum og stefnu stjórnvalda um vistvæn innkaup.

Umhverfisráðuneytið auglýsir eftir umsóknum um styrki úr Veiðikortasjóði til rannsókna á stofnum villtra dýra sem fjallað er um í lögum um vernd, friðun og veiðar á villtum fuglum og villtum spendýrum.  Umsóknir skulu berast fyrir 7. desember næstkomandi.

Umhverfisstofnun hefur afhent umhverfisráðherra yfirlit um ástand friðlýstra svæða sem eru undir miklu álagi og hlúa þarf að. Níu svæði eru sett á svonefndan rauðan lista. Þetta var meðal þess sem kom fram á fundi umhverfisráðuneytisins og iðnaðarráðuneytisins um náttúruvernd og ferðaþjónustu.

Lögregla og Landhelgisgæslan hafa stundað virkt eftirlit með rjúpnaveiði á þessu veiðitímabili og hefur lögreglan skráð fjórtán meint lögbrot í tengslum við veiðarnar. Um liðna helgi fór Landhelgisgæslan í rjúpnaveiðieftirlit á þyrlu ásamt lögreglunni í Ólafsvík.

Umhverfisráðuneytið og iðnaðarráðuneytið efna til fundar um náttúruvernd og ferðaþjónustu á fimmtudag. Á fundinum verður fjallað um nýlega úttekt Umhverfisstofnunar á álagi á friðlýstum svæðum vegna ferðamanna, úrræði til umbóta, fjármögnun þeirra og leiðir til að tryggja að ferðaþjónusta og náttúruvernd fari saman.

Ríkisstjórnin samþykkti nýverið aðgerðaáætlun í loftslagsmálum sem felur í sér að dregið verði úr nettólosun gróðurhúsalofttegunda um allt að 30% til ársins 2020 með tíu lykilaðgerðum. Fjármálaráðherra hefur þegar lagt fram frumvarp um eina af lykilaðgerðunum, sem er breyting á bifreiðasköttum og gjöldum. 

Umhverfisráðherrar Norðurlandanna hafa samþykkt nýja metnaðarfulla stefnumótun fyrir norræna umhverfismerkið Svaninn til ársins 2015. Hún gerir meðal annars ráð fyrir hækkun fjárframlags til Svansins í fjórar milljónir danskra króna á næsta ári. Ísland var leiðandi í gerð stefnumótunarinnar, en hún er eitt þeirra verkefna sem lögð var sérstök áhersla á á formennskuári Íslands í Norrænu ráðherranefndinni.

Svandís Svavarsdóttir umhverfisráðherra hefur skipað Kristveigu Sigurðardóttur formann stjórnar Vatnajökulsþjóðgarðs og Rósu Björk Halldórsdóttur varaformann.

Norrænu náttúru- og umhverfisverðlaunin voru afhent þremur bönkum við athöfn í Íslensku óperunni í gær. Bankarnir Merkur Andelskasse, Ekobanken og Cultura fengu verðlaunin fyrir sjálfbæra bankastarfsemi.

Almenningi og fyrirtækjum á Evrópska efnahagssvæðinu er nú gefinn kostur á að gera athugasemdir við tillögur framkvæmdastjórnar Evrópusambandsins um kolefnisstefnu sambandsins. Ísland er aðili að viðskiptakerfi Evrópusambandsins með gróðurhúsalofttegundir í samræmi við EES-samninginn.

Árangursríkum ársfundi aðildarríkja samningsins um líffræðilega fjölbreytni lauk á föstudag með samkomulagi um framkvæmd samningsins til ársins 2020 og um réttláta skiptingu hagnaðar af nýtingu erfðaauðlinda.

Svandís Svavarsdóttir umhverfisráðherra hefur undirritað reglugerð sem auka mun öryggi fólks á sundstöðum. Í reglugerðinni eru gerðar ítarlegri kröfur um öryggiskerfi og laugargæslu en gert var í eldri reglugerð. Þá eru auknar kröfur gerðar um öryggi barna og sérstakar kröfur gerðar til sundlaugavarða, kennara og þjálfara.

Efnt verður til kynningarfunda á samnorrænum styrkjamöguleikum í tengslum við þing Norðurlandaráðs 2.-4. nóvember. Meðal annars verður kynning á styrkjum til umhverfis- og orkumála. Styrkirnir eru ætlaðir fyrirtækjum, stofnunum, félagasamtökum og einstaklingum.

Snjóflóðavarnargarðar voru vígðir í Ólafsvík í liðinni viku. Svandís Svavarsdóttir umhverfisráðherra fagnaði verklokum með heimamönnum. Við framkvæmdirnar var áhersla lögð á útlit varnargarðanna, uppgræðslu og gerð göngustíga þannig að garðarnir féllu sem best að umhverfinu og stuðluðu að bættri aðstöðu til útivistar.

Vel gengur að framfylgja þriggja ára aðgerðaráætlun gegn akstri utan vega að mati verkefnisstjórnar áætlunarinnar. Svo virðist sem dregið hafi úr utanvegaakstri það sem af er þessu ári miðað við liðið ár, bæði á miðhálendinu og í Reykjanesfólkvangi.

Vinnuhópur sem Svandís Svavarsdóttir umhverfisráðherra skipaði til að kanna hvort skýrsla rannsóknarnefndar Alþingis kallaði á breytingar á starfsháttum ráðuneytisins hefur lokið störfum. Umhverfisráðherra segir gríðarlega mikilvægt að samfélagið allt dragi lærdóm af skýrslunni, ekki síst Stjórnarráðið.

Nauðsynlegt er að fræða ferðamenn betur um þær hættur sem sem eru til staðar í landinu og um umgengni við náttúru landsins og verndun hennar. Þetta er meðal þess sem kemur fram í niðurstöðu starfhóps fjögurra ráðuneyta sem var falið að fjalla um öryggi og umferð ferðamanna á miðhálendinu.

Ofanflóðanefnd hefur gefið út skýrslu um starfsemi nefndarinnar og verkefni Ofanflóðasjóðs frá 2002 til 2008. Einnig eru birtir reikningar Ofanflóðasjóðs fyrir sama tímabil sem endurskoðaðir hafa verið af Ríkisendurskoðun.

Umhverfisráðherra skoðaði nýverið áhrif öskugossins í Eyjafjallajökli á birkiskóga í Þórsmörk og Goðaland. Birkiskógar virðast hafa komið í veg fyrir mikið öskufok á svæðinu og er það hvatning til skógræktarmanna um að efla endurheimt birkiskóga.

Fyrirkomulag rjúpnaveiða í haust verður óbreytt frá fyrra ári. Veiðitímabilið hefst föstudaginn 29. október og stendur til sunnudagsins 5. desember. Á tímabilinu verður heimilt að stunda veiðar á föstudögum, laugardögum og sunnudögum og verða veiðidagar því átján talsins. Sögubann á rjúpu verður áfram í gildi og svæði á Suðvesturlandi verður áfram friðað fyrir veiði.

Á fundi ríkisstjórnarinnar í morgun var ákveðið að 16. september, fæðingardagur Ómars Ragnarssonar, verði héðan í frá dagur íslenskrar náttúru. Umhverfisráðherra segir ákvörðunina vera viðurkenningu á framlagi Ómars til náttúruverndar og almenningsfræðslu um íslenska náttúru og allra þeirra sem lagt hafa sitt af mörkum á því sviði. 

Sex verndarsvæði hafa verið stofnuð í Norðaustur-Atlantshafi samkvæmt ákvörðun ráðherrafundar Samningsins um vernd NA-Atlantshafsins (OSPAR) sem fram fór í Bergen í Noregi í liðinni viku. Þetta er í fyrsta sinn sem verndarsvæði af þessu tagi eru stofnuðfyrir utan efnahagslögsögu ríkja.

Fyrstu samgöngusamningar umhverfisráðuneytisins og starfsfólks þess voru undirritaðir í dag. Samkvæmt samningunum mun umhverfisráðuneytið taka þátt í kostnaði þeirra sem ferðast til og frá vinnu á vistvænan hátt.

Samgönguvika hófst í dag og af því tilefni hefur verið opnuð heimasíða tileinkuð vikunni. Síðan er unnin í samvinnu umhverfisráðuneytisins og þeirra sveitarfélaga sem taka þátt í Samgönguviku að þessu sinni. Á síðunni er til dæmis hægt að skoða dagskrá Samgönguviku, lesa fréttir af viðburðum vikunnar og taka þátt í getraun þar sem hægt er að vinna reiðhjól frá Erninum, ársmiða í Strætó og sundkort.

Frumvarp umhverfisráðherra til nýrra skipulagslaga var samþykkt á Alþingi í gær. Lögin kveða meðal annars á um aukna þátttöku almennings við gerð skipulagsáætlana og að stjórnvöld móti heildstæða sýn í skipulagsmálum með gerð landsskipulagsstefnu.

Ákveðið hefur verið að varðveita beinagrind steypireyðarinnar sem rak á land á Skaga nýverið. Engin beinagrind eru til af steypireyði í landinu og örfáar til í heiminum og því er verðmæti og sýninga- og fræðslugildi slíkrar beinagrindar mjög mikið.

Um árabil hefur verið unnið að stækkun friðlands Þjórsárvera. Svo virðist þó sem nokkurs misskilnings gæti í umfjöllun Sjálfstæðismanna undanfarna daga. Mér er bæði ljúft og skylt að upplýsa um nokkrar staðreyndir málsins og freista þess að eyða þeim misskilingi sem upp virðist kominn í þeirra röðum.

Svandís Svavarsdóttir umhverfisráðherra hefur skipað nefnd til að skoða lagalega stöðu villtra spendýra og fugla á Íslandi og leggja fram tillögur um úrbætur á lögum um vernd, friðun og veiðar á villtum fuglum og villtum spendýrum.

Áherslur stjórnvalda til sjálfbærrar þróunar árin 2010 til 2013 voru samþykktar á fundi ríkisstjórnarinnar í gær að tillögu Svandísar Svavarsdóttur umhverfisráðherra. Áherslurnar byggja á stefnumörkun Íslands um sjálfbæra þróun sem ber yfirskriftina Velferð til framtíðar og var fyrst samþykkt í ríkisstjórn árið 2002.

Framkvæmdastjórn Evrópusambandsins hefur ákveðið að hefja endurskoðun á tilskipun um mat á umhverfisáhrifum og veitir öllum tækifæri á að koma á framfæri athugasemdum og ábendingum. Íslensk löggjöf á þessu sviði er byggð á tilskipuninni.

Svandís Svavarsdóttir umhverfisráðherra hefur sett af stað vinnu til að bregðast við rannsóknum Náttúrufræðistofnunar Íslands sem sýna fram á að skothögl finnast í fimmta hverjum erni og fjórða hverjum fálka sem fundist hafa dauðir hér á landi.

Í sumarbyrjun var haldin fjölsótt ráðstefna um votlendi sem nefndist Endurheimt votlendis - hvar þarf til? Ráðstefnan var haldin á Landbúnaðarháskóla Íslands á Hvanneyri og fluttu þar erindi fjölmargir sérfræðingar og áhugamenn um vernd og endurheimt votlendis. Hér á síðunni er nú að finna glærukynningar fyrirlesara.

Teikn eru á lofti um að hækkun yfirborðs sjávar og súrnun hafsins vegna loftslagsbreytinga verði meira vandamál en áður var talið. Þetta er niðurstaða nýrrar skýrslu sem unnin var fyrir Norrænu ráðherranefndina. Íslendingur er einn af fjórum höfundum hennar.

Svandís Svavarsdóttir umhverfisráðherra opnaði Surtseyjarstofu í Vestmannaeyjum nýverið. Surtseyjarstofa er gestastofa fyrir friðlandið Surtsey og þar er meðal annars að finna fróðleik um friðlandið og heimsminjasvæðið Surtsey.

Umhverfisráðuneytið hefur sett sér samgöngustefnu sem stuðlar að því að starfsfólk ráðuneytisins noti vistvænan ferðamáta í vinnu og til og frá vinnustað. Nú þegar ferðast um fimmtungur starfsfólks ráðuneytisins til og frá vinnu á vistvænan hátt.

Alþingi samþykkti nýverið breytingar á lögum um erfðabreyttar lífverur sem kveða meðal annars á um aukinn aðgang almennings að upplýsingum og aukinn rétt til að gera athugasemdir vegna umsókna um ræktun og notkun erfðabreyttra lífvera.

Svandís Svavarsdóttir umhverfisráðherra opnaði í gær Snæfellsstofu á Skriðuklaustri, nýja gestastofu fyrir austursvæði Vatnajökulsþjóðgarðs. Snæfellsstofa mun hýsa upplýsinga- og þjónustumiðstöð fyrir ferðafólk, minjagripaverslun, sýningar og skrifstofur.

Útstreymi gróðurhúsalofttegunda hér á landi jókst um 8% milli áranna 2007 og 2008 og hefur aukist um 43% frá 1990. Frá 1990, sem er grunnár Kýótó-bókunarinnar, hefur útstreymi aukist mest frá áliðnaði, eða um 169%, og vegasamgöngum um 63%.

Svandís Svavarsdóttir umhverfisráðherra hefur sett reglugerð um leyfilegan styrk brennisteinsvetnis í andrúmslofti. Markmið reglugerðarinnar er að draga úr mengun brennisteinsvetnis frá jarðhitavirkjunum og mögulegum neikvæðum áhrifum hennar á heilsu fólks.

Umhverfisráðherra veitti nýverið styrki úr veiðikortasjóði að upphæð 31.006.700 kr. Úthlutunin er byggð á lögum um vernd, friðun og veiðar á villtum fuglum og villtum spendýrum.

Fyrstu viðræðulotu alþjóðlegrar samninganefndar um aðgerðir til þess að draga úr magni kvikasilfurs í umhverfinu lauk nú í vikunni í Stokkhólmi. Áformað er að viðræðunum ljúki árið 2013 með lagalega bindandi aþjóðlegum samningi um kvikasilfur.

Svandís Svavarsdóttir umhverfisráðherra staðfesti verndaráætlun þjóðgarðsins Snæfelljökuls í gær og opnaði um leið Undirheima Vatnshellis. Skýli hefur verið byggt yfir opið niður í hellinn og hringstigi lagður niður.

Svandís Svavarsdóttir umhverfisráðherra hefur sett reglugerð um kjölfestuvatn. Markmið reglugerðarinnar er að koma í veg fyrir að framandi lífverur berist með kjölfestuvatni til hafsvæða og stranda umhverfis Ísland. Reglugerðin er liður í framkvæmd stefnu ríkisstjórnarinnar um líffræðilega fjölbreytni og er sett með hliðsjón af samningnum um líffræðilega fjölbreytni.

Vinnu við að kortleggja og skilgreina vegi á hálendinu hefur miðað vel að undanförnu og hefur starfshópur umhverfisráðuneytisins, Landmælinga, Umhverfisstofnunar og Vegagerðarinnar átt fundi með fulltrúum allra sveitarfélaga sem fara með skipulagsvald á hálendinu.

Norðurlandaráð veitti nýverið þremur bönkum náttúru- og umhverfisverðlaun 2010. Merkur Andelskasse, Ekobanken og Cultura Bank fengu verðlaunin fyrir græna og sjálfbæra stefnumótun. Verðlaunin verða afhent á Norðurlandaráðsþingi í Reykjavík í haust.

Svandís Svavarsdóttir umhverfisráðherra heimsótti fuglafriðlandið í Flóa fyrir skömmu. Fuglaverndarfélag Íslands og sveitarfélagið Árborg vinna að áætlun um endurheimt og verndun votlendisins á svæðinu.

Svandís Svavarsdóttir, umhverfisráðherra kynnir í dag aðgerðaráætlun gegn akstri utan vega undir heitunu Ávallt á vegi.

Föstudaginn 21. maí stóðu Skógræktarfélag Íslands, Yrkjusjóður og umhverfisráðuneytið að viðburðum í tilefni alþjóðlegs dags líffræðilegrar fjölbreytni.

Svandís Svavarsdóttir umhverfisráðherra staðfesti í dag aðalskipulag Hvalfjarðarsveitar

Svandís Svavarsdóttir umhverfisráðherra tilnefndi Guðlaugstungur og Snæfells- og Eyjabakkasvæðið á lista Ramsarsamningsins yfir alþjóðlega mikilvæg votlendissvæði á ráðstefnu um votlendissvæði á Hvanneyri í dag.

Hluti af metnaðarfullu atvinnuátaksverkefni stjórnvalda fyrir námsmenn og atvinnulausa eru 337 störf í þágu umhverfis og náttúru á Íslandi.  Að verkefninu koma stofnanir umhverfisráðuneytisins og ráðuneytið sjálft og er um gríðarlega fjölbreytt störf að ræða.

,,Ég hef forðast að láta undan þrýstingi hagsmunaaðila, staldrað við, spurt spurninga og aflað frekari gagna með það að leiðarljósi að verja hagsmuni heildarinnar, komandi kynslóða og náttúrunnar." Þetta er meðal þess sem segir í grein Svandísar Svavarsdóttur umhverfisráðherra sem birtist í Fréttablaðinu í dag.

Landmælingar Íslands urðu í fimmta sæti í vali á stofnun ársins í flokki minni stofnana og einnig ef miðað er við heildarfjölda og hljóta því sæmdarheitið fyrirmyndarstofnun 2010.

Svandís Svavarsdóttir umhverfisráðherra mælti fyrir frumvarpi um landupplýsingar á Alþingi síðastliðinn föstudag. Marmkmið frumvarpsins er að samræma landupplýsingar og tryggja aðgengi að þeim, meðal annars til að upplýsa og virkja almenning og til að bæta stjórnsýslu hins opinbera.

Að frumkvæði umhverfisráðuneytisins verður efnt til ráðstefnu í samstarfi við Landbúnaðarháskóla Íslands um votlendi og endurheimt þess. Ráðstefnan er haldin í tilefni alþjóðlegs árs líffræðilegrar fjölbreytni og í ljósi vaxandi umræðu um mikilvægi votlendis í loftslagsbreytingum. 

Sex milljónum króna verður varið til kaupa og uppsetningar á sjálfvirkum mæli til að mæla svifryk á áhrifasvæði eldgossins í Eyjafjallajökli. Tillaga Svandísar Svavarsdóttur umhverfisráðherra þess efnis var samþykkt á fundi ríkisstjórnarinnar í gær.

Svandís Svavarsdóttir umhverfisráðherra hefur sett af stað vinnu í umhverfisráðuneytinu til að fara yfir skýrslu rannsóknarnefndar Alþingis og skoða hvort niðurstöður hennar kalli á breytingar á starfsháttum ráðuneytisins. Umhverfisráðherra segir gríðarlega mikilvægt að samfélagið allt dragi lærdóm af skýrslunni, ekki síst stjórnarráðið

Svandís Svavarsdóttir umhverfisráðherra afhenti Sigrúnu Helgadóttur náttúruverndarviðurkenningu Sigríðar í Brattholti við athöfn í Þjóðmenningarhúsinu í dag. Haldið var upp á dag umhverfisins í dag með afhendingu viðurkenninga og ýmsum viðburðum. Við sama tækifæri fékk prentsmiðjan Oddi afhentan Kuðunginn, umhverfisviðurkenningu umhverfisráðuneytisins og nemendur Hvolsskóla voru útnefndir varðliðar umhverfisins.

Baráttan fyrir líffræðilegri fjölbreytni er barátta fyrir vexti og viðgangi dýra- og plöntutegunda og búsvæða þeirra. Hér á landi snýst baráttan meðal annars um að hemja útbreiðslu lúpínu, fjölga friðuðum votlendissvæðum og takmarka losun kjölfestuvatns. Þetta er meðal þess sem segir í grein Svandísar Svavarsdóttur umhverfisráðherra sem birtist í Fréttablaðinu í gær.

Svandís Svavarsdóttir umhverfisráðherra skoðaði í vikunni þau svæði undir Eyjafjöllum sem hafa orðið verst úti af völdum náttúruhamfaranna í Eyjafjallajökli. Umhverfisráðherra heimsótti meðal annars Ólaf Eggertsson á Þorvaldseyri og skoðaði skemmdir á akuryrkjulandi. 

Umhverfisráðuneytið efnir til ráðstefnu um endurheimt votlendis þann 12. maí í samstarfi við fleiri aðila. Ráðstefnan er haldin í tilefni alþjóðlegs árs líffræðilegrar fjölbreytni og í ljósi vaxandi umræðu um hlutverk votlendis í loftslagsbreytinum.

Svandís  Svavarsdóttir umhverfisráðherra opnaði fyrir skömmu heimasíðuna fishernet.is. Síðan er unnin af Stofnun Vilhjálms Stefánssonar og hún hefur að geyma margvíslegan fróðleik um strand- og fiskveiðimenningu Íslands.

Dagur umhverfisins er haldinn 25. apríl ár hvert og í ár verður hann tileinkaður líffræðilegri fjölbreytni. Efnt verður til fjölda viðburða af þessu tilefni. Meðal annars mun Svandís Svavarsdóttir umhverfisráðherra afhenda viðurkenningar fyrir framlag til umhverfismála, þar á meðal náttúruverndarviðurkenningu Sigríðar í Brattholti sem nú verður afhent í fyrsta sinn.

Umhverfisráðuneytið vinnur nú að mörgum verkefnum á sviði umhverfisverndar í samstarfi við Umhverfisstofnun, þar á meðal að endurskoðun á náttúruverndarlögum, reglugerð um kjölfestuvatn og reglugerð um brennisteinsvetni. Þetta var meðal þess sem kom fram í ávarpi Svandísar Svavarsdóttur umhverfisráðherra á ársfundi Umhverfisstofnunar 9. apríl síðastliðinn.

Norrænu fjármögnunarsjóðirnir NEFCO og NOPEF efna til kynningar á starfsemi sjóðanna og möguleikum íslenskra fyrirtækja til að sækja um stuðning á Hótel Nordica Reykjavík fimmtudaginn 15. apríl kl. 8:00-10:00.

Hætta á dreifingu alaskalúpínu í landinu nema á skilgreindum landgræðslu- og ræktunarsvæðum og uppræta þarf alaskalúpínu og skógarkerfil á svæðum ofan 400 metra hæðar, í þjóðgörðum og öðrum friðlýstum svæðum. Þetta eru meðal tillagna sem Landgræðsla ríkisins og Náttúrufræðistofnun Íslands leggja fram í skýrslu sem stofnanirnar hafa skilað Svandísi Svavarsdóttur umhverfisráðherra.

Farfuglaheimilunum í Laugardal og við Vesturgötu var veitt vottun norræna umhverfismerkisins Svansins í gær. Svandís Svavarsdóttir umhverfisráðherra afhenti viðurkenninguna og sagði í ávarpi að farfuglaheimilin hefðu lengi verið í fararbroddi í umhverfismálum hér á landi og vottunin væri staðfesting þess.

Svandís Svavarsdóttir umhverfisráðherra hefur falið Umhverfisstofnun að kanna hvernig staðið hefur verið við þau skilyrði sem umhverfisráðuneytið setti í úrskurði um mat á umhverfisáhrifum Kárahnjúkavirkjunar í desember 2001.

Svandís Svavarsdóttir umhverfisráðherra heimsótti starfsfólk Slysavarnarfélagsins Landsbjargar í dag til að fræðast um hálendisvakt félagsins. Meðal þess sem hálendisvaktin leggur áherslu á er að vakta akstur utan vega og fræða erlenda ferðamenn um bann við slíkum akstri.

Umhverfisstofnun Evrópu hefur gefið út skýrsluna Umhverfisteikn 2010. Skýrslan fjallar að þessu sinni um líffræðilega fjölbreytni og loftslagsbreytingar. Í henni eru m.a. sagðar sögur sex einstaklinga sem hafa orðið fyrir áhrifum af breytingum í náttúrunni.  

,,Í allt of langan tíma hefur náttúran verið vikið til hliðar fyrir framkvæmdum sem hafa verið ákvarðaðar á grundvelli skammtímasjónarmiða, gróðahyggju og sérhagsmuna." Þetta var meðal þess sem fram kom í ávarpi Svandísar Svavarsdóttur umhverfisráðherra á ársfundi Náttúrufræðistofnunar Íslands.

Norræna umhverfismerkið Svanurinn verður 20 ára í ár og tvöþúsundasta Svansleyfið var veitt á afmælisárinu. Hér á landi eru 5 Svansleyfi í gildi og búist er við að fleiri bætast í hópinn fljótlega en Umhverfisstofnun hafa borist 14 umsóknir um Svansvottun.

Svandís Svavarsdóttir umhverfisráðherra flaug yfir gosstöðvarnar á Fimmvörðuhálsi með Landhelgisgæslunni í gær og heimsótti Veðurstofu Íslands þar sem hún kynnti sér þróun eldhræringanna.

Umhverfisráðuneytið, Landvernd og Náttúruskóli Reykjavíkur óska eftir tilnefningum til Varðliða umhverfisins 2010, verkefnasamkeppni um umhverfismál á meðal grunnskólabarna í 5. til 10. bekk. Markmið keppninnar er m.a. að hvetja ungt fólk til góðra verka í umhverfisvernd og vekja athygli á sýn ungs fólks á umhverfismál.

Svandís Svavarsdóttir umhverfisráðherra heimsótti starfsfólk Slökkviliðs höfuðborgarsvæðisins í gær og tók þátt í störfum þess. Umhverfisráðherra fékk kynningu á starfseminni og fylgdi sjúkraflutningamönnum í útköll.

Samkvæmt markmiðum ríkisstjórnarinnar verða umhverfisskilyrði sett í 80% útboða á vegum ríkisins árið 2012. Þetta var meðal þess sem kom fram í ávarpi Svandísar Svavarsdóttur umhverfisráðherra á ráðstefnu um vistvæn innkaup.

Svandís Svavarsdóttir umhverfisráðherra átti fund með Mohamed Nasheed, forseta Maldíveyja, í hádeginu í dag. Þau ræddu meðal annars stöðu alþjóðlegra viðræðna um loftslagsmál og hlutverk smáríkja í þeim.

Mjög góður árangur náðist í rekstri Norræna Umhverfisfjármögnunarsjóðsins, NEFCO, á liðnu ári. Sjóðurinn veitti lán til 50 verkefna á árinu, aðallega í Rússlandi og Úkraínu. Þann 15. apríl efnir NEFCO til kynningarfundar fyrir íslensk fyrirtæki.

Svandís Svavarsdóttir umhverfisráðherra hefur ákveðið að hefja undirbúning að friðlýsingu Gjástykkis. Ákvörðun þess efnis var tilkynnt á fundi ríkisstjórnarinnar í morgun.

Skipulagsstofnun hefur opnað svokallaða Skipulagsvefsjá sem er rafrænt gagnasafn skipulagsáætlana sem varðveittar eru hjá stofnuninni. Með tímanum verður hægt að nálgast þar allt deili- og aðalskipulag sem samþykkt og staðfest hefur verið samkvæmt skipulags- og byggingarlögum.

Niðurstöður faghópa 2. áfanga rammaáætlunar liggja nú fyrir og opið umsagnarferli stendur yfir frá 8. mars til 19. apríl. Niðurstöður hópanna verða kynntar á vefsíðunni rammaáætlun.is og á kynningarfundum.

Á 17. Stefnumóti umhverfisráðuneytisins og Stofnunar Sæmundar fróða um sjálfbæra þróun verður fjallað um bráðnun jökla í Himalayafjöllum og loftslagsskýrslu Sameinuðu þjóðanna. Stefnumótið fer fram í fundarsal Þjóðminjasafnsins 5. mars kl. 12:00-13:30.

Umhverfisráðuneytið hefur látið þýða svör ráðuneytisins við spurningalista framkvæmdastjórnar Evrópusambandsins um umhverfismál sem unnin var í tengslum við aðildarumsókn Íslands að sambandinu. Nú er hægt að nálgast svörin hér á heimasíðu umhverfisráðuneytisins.

Umhverfisráðuneytið og fjármálaráðuneytið boða til ráðstefnu um vistvæn innkaup á Grand Hótel föstudaginn 5. mars 2010. Ráðstefnan er öllum opin og fer skráning fram á heimasíðu umhverfisráðuneytisins.

Í tilefni af 20 ára afmæli umhverfisráðuneytisins 23. febrúar ákvað Svandís Svavarsdóttir umhverfisráðherra að heiðra minningu Sigríðar Tómasdóttur í Brattholti með því að afhenda náttúruverndarviðurkenningu Sigríðar í Brattholti á degi umhverfisins. Viðurkenningin verður afhent einstaklingi sem hefur unnið markvert starf á sviði náttúruverndar.

Úthlutunarnefnd á vegum umhverfisráðuneytisins óskar eftir tilnefningum um fyrirtæki eða stofnanir, sem vegna verka sinna og athafna á síðasta ári, eru þess verðug að hljóta umhverfisviðurkenningu umhverfisráðuneytisins, Kuðunginn fyrir árið 2009.

Landgræðsluskóli Landgræðsu ríkisins og Landbúnaðarháskóla Íslands er orðinn formlegur aðili að Háskóla Sameinuðu þjóðanna. Skólinn er framlag íslenskra stjórnvalda til að byggja upp þekkingu í þróunarríkjum til að takast á við vandamál tengd loftslagsbreytingum.

Almenningi gefst kostur á að koma á framfæri athugasemdum við frumvarp til laga um grunngerð landupplýsinga.

Vinna er hafin hjá umhverfisráðuneytinu við að semja frumvarp til innleiðingar Árósasamningsins, sem tryggir aðgang að upplýsingum, þátttöku almennings í ákvarðanatöku og aðgang að réttlátri málsmeðferð í umhverfismálum.

Umhverfisráðherra hefur synjað staðfestingar skipulagsbreytingum sem snúa að virkjunum í neðri Þjórsá, þar sem þátttaka Landsvirkjunar í kostnaði sveitarfélaga við skipulagsvinnu hafi stangast á við skipulags- og byggingarlög.

Föstudaginn 5. febrúar verður málþingið Kyn og loftslagsbreytingar haldið í Háskóla Íslands. Umhverfisráðherra flytur ávarp við upphaf málþingsins.

Þörf er á öflugu starfi til að hrinda stefnumörkun um líffræðilega fjölbreytni í framkvæmd í þeim ráðuneytum og málaflokkum sem stefnumörkunin nær til. Starfshópi þriggja ráðuneyti hefur verið falið að sinna því starfi.

Svandís Svavarsdóttir umhverfisráðherra hefur skipað nefnd til endurskoðunar byggingarreglugerðar með hliðsjón af nýju frumvarpi um mannvirkjalög.

Starfshópur sem umhverfisráðherra skipaði til að undirbúa fullgildingu Árósasamningsins hefur skilað skýrslu sinni. Leggur starfshópurinn til að svokölluð stjórnsýsluleið verði farin til að tryggja aðgang að réttlátri málsmeðferð í umhverfismálum.

Nýlega kom út ársskýrsla OSPAR-samningsins sem fjallar um verndun Norðaustur-Atlantshafsins. Í skýrslunni er farið yfir meginviðfangsefni samningsins og þann árangur sem hefur náðst að undanförnu.