Svandís Svavarsdóttir tók við viðurkenningu frá kvennasamtökum vegna þáttar Íslands í að tryggja að sterkur texti um jafnrétti kynjanna sé hluti af samningsdrögum á loftslagsráðstefnunni í Kaupmannahöfn.

Lesa meira

Ísland og Evrópusambandið hafa gert með sér samkomulag í loftslagsmálum, sem koma mun í veg fyrir að tvöfalt kerfi sé um losun gróðurhúsalofttegunda á Íslandi. Ríkisstjórn Íslands mun boða frekari aðgerðir í loftslagsmálum náist metnaðarfullt alþjóðlegt samkomulag í loftslagsmálum í Kaupmannahöfn.

Lesa meira

Verkefnisstjórn um aðgerðaáætlun í loftslagsmálum, sem umhverfisráðherra skipaði í júlí 2009, hefur gert fyrstu drög að áætlun, sem eru birt hér opinberlega til kynningar.

Lesa meira

Vernd náttúru og umhverfis er aukin til mikilla muna með nýju frumvarpi um ábyrgð þess sem veldur umhverfisstjóni frá ákveðinni starfsemi. Frumvarpið er byggt á mengunarbótareglunni og felur í sér að þeim sem veldur tjóni á umhverfinu ber að bæta það, án tillits til þess hvort rekja megi tjónið til ásetnings eða gáleysis og þess hvort mengunin valdi einkaaðilum tjóni. Nú er öllum gefinn kostur á að koma á framfæri athugasemdum við frumvarpsdrögin.

Lesa meira

Svandís Svavarsdóttir umhverfisráðherra heimsótti Hekluskóga í gær. Farið var um starfssvæði Hekluskóga í Þjórsárdal, Hafi og Árskógum. Skoðuð voru örfoka svæði, nýleg uppgræðslusvæði og gróðursetningarreitir. Í lok ferðarinnar var skógur Skógræktar ríkisins í Þjórsárdal skoðaður. Lesa meira

Svandís Svavarsdóttir umhverfisráðherra hefur ákveðið að hefja endurskoðun á lögum um náttúruvernd með það fyrir augum að styrkja stöðu náttúruverndar í landinu. Ráðist er í endurskoðunina vegna brýnnar þarfar á að styrkja stöðu náttúrunnar og umhverfissjónarmiða í íslenskum rétti. Lesa meira

Nýr kennsluvefur um loftslagsbreytingar var opnaður í Sjálandsskóla í Garðabæ í dag, norræna loftslagsdaginn. Vefurinn er hluti af námsefni um loftslagsbreytingar sem Námsgagnastofnun gefur út, með stuðningi umhverfisráðuneytisins. Efnið er þríþætt: Þemahefti, fræðslumynd og vefsíða. Lesa meira

Svandís Svavarsdóttir umhverfisráðherra flutti ræðu fyrir hönd norrænu umhverfisráðherranna á þingi Norðurlandaráðs í Stokkhólmi í gær. Í ræðunni gerði hún grein fyrir stöðu mála í alþjóðlegum viðræðum um loftslagsmál og framlagi Norðurlandanna til samningaferilsins. Lesa meira

Upptökur flestra erinda sem flutt voru á Umhverfisþingi 2009 og glærur sem fylgdu eru nú aðgengileg hér á heimasíðu umhverfisráðuneytisins. Alls voru flutt um 40 erindi á þinginu. Sjálfbær þróun var meginefni þingsins að þessu sinni og í kjölfar þess er nú unnið að stefnumörkun stjórnvalda um sjálfbæra þróun 2010-2013.

Lesa meira

Umhverfisráðuneytið óskar nú eftir tillögum frá almenningi sem nýst geta stjórnvöldum við endurskoðun stefnumörkunar um sjálfbæra þróun í íslensku samfélagi 2010-2013. Fyrstu drög voru kynnt á Umhverfisþingi 9. og 10. október þar sem þinggestir tóku virkan þátt í umræðum um sjálfbæra þróun. Lesa meira

Umhverfisþingi lauk í dag. Í lokaávarpi þingsins sagði Svandís Svavarsdóttir umhverfisráðherra að hún hefði ákveðið að stofna umhverfisráð ungmenna sem verður umhverfisráðherra til ráðgjafar. Fulltrúar ungs fólks á Umhverfisþingi lögðu fram tillögu þess efnis.

Lesa meira

Umhverfisþing hófst í morgun. Rúmlega 400 höfðu skráð sig til þátttöku á þinginu og það er því fjölmennasta Umhverfisþing sem haldið hefur verið. Í setningarræðu þingsins sagði Svandís Svavarsdóttir umhverfisráðhrera m.a. að ríkisstjórnin legði áherslu á náttúrvernd og að staða hennar innan stjórnarráðsins yrði styrkt til muna. 

Lesa meira

Svandís Svavarsdóttir umhverfisráðherra og Gunnar Einarsson, bæjarstjóri Garðabæjar, hafa undirritað friðlýsingar Gálgahrauns í Garðabæ og Skerjafjarðar innan lögsögu Garðabæjar. Lesa meira

Umhverfisráðuneytið hefur gefið út skýrsluna Umhverfi og auðlindir sem fjallar um stöðu umhverfismála hér á landi. Skýrslunni er ætlað að miðla upplýsingum með skýrum hætti til stjórnvalda og almennings. Skýrslan verður til umfjöllunar á Umhverfisþingi sem hefst næstkomandi föstudag, 9. október.  

Lesa meira

Umhverfisráðherra hefur fellt úr gildi ákvörðun Skipulagsstofnunar um að ekki skuli fara fram sameiginlegt mat á umhverfisáhrifum framkvæmda vegna Suðvesturlínu og öðrum tengdum framkvæmdum. Málinu hefur verið vísað aftur til Skipulagsstofnunar til efnilegrar meðferðar og úrlausnar. Lesa meira

Umhverfisfræðsluráð og Landvernd efndu til málþings um þjóðaráætlun um menntun til sjálfbærni í liðinni viku. Þingið var fjölmennt og voru Svandís Svavarsdóttir umhverfisráðherra og Katrín Jakobsdóttir menntamálaráðherra meðal framsögumanna. Nú er hægt að skoða upptöku af erindum sem flutt voru á þinginu.

Lesa meira

Dagskrá Umhverfisþings dagana 9. og 10. október liggur nú fyrir og er sjálfbær þróun meginefni þingsins að þessu sinni. Í málstofum á þinginu verður fjallað um umhverfismál í sveitarfélögum og atvinnulífinu. Einnig er lögð áhersla á þátttöku ungs fólks í þinginu til að stuðla að umræðu milli kynslóðanna um framtíðarþróun Íslands.

Lesa meira

Umhverfisráðherra hefur ákveðið að fyrirkomulag rjúpnaveiða í haust verði með nokkuð breyttu sniði frá fyrra ári. Tveimur helgum verður bætt við tímabilið en á móti kemur að veiðihelgar verða styttar úr fjórum dögum í þrjá. Því verða veiðidagar átján eins og í fyrra. Lesa meira

Svandís Svavarsdóttir umhverfisráðherra hefur óskað eftir áliti Umhverfisstofnunar og Náttúrufræðistofnunar á tillögum Samtaka um náttúruvernd á Norðurlandi um friðlýsingu Gjástykkis. Umhverfisráðherra skoðaði Gjástykki í liðinni viku.

Lesa meira

Umhverfisráðherra boðar til VI. Umhverfisþings dagana 9.-10. október 2009. Sjálfbær þróun verður aðalumfjöllunarefni þingsins að þessu sinni. Kynntar verða tillögur að nýjum áherslum stjórnvalda á sviði sjálfbærrar þróunar og ný skýrsla um stöðu og þróun umhverfismála.

Lesa meira

Undirbúningur að stækkun friðlandsins í Þjórsárverum hefst nú þegar samkvæmt tillögu Svandísar Svavarsdóttur umhverfisráðherra sem var samþykkt á fundi ríkisstjórnarinnar í morgun. Umhverfisráðherra vill ljúka stækkun friðlandsins eigi síðar en snemma árs 2010. Lesa meira

Ríkisstjórnin samþykkti á fundi í morgun að hefja gerð áætlunar um sjálfbærar samgöngur með það að markmiði að draga úr þörf fyrir einkabílinn. Áætluninn verður unnin á vegum umhverfisráðherra og samgönguráðherra og lögð er áhersla á að fyrstu aðgerðir komi til framkvæmda fyrir áramót. Lesa meira

Vegagerðin, tryggingafélög og bílaleigur undirrituðu í dag samstarfssamning um gerð og uppsetningu skilta með fræðslu gegn akstri utan vega sem sett verða upp á tíu helstu leiðum inn á hálendi Íslands. Samstarfið er árangur af vinnu samráðshóps um fræðslu gegn akstri utan vega sem umhverfisráðherra skipaði fyrr á þessu ári. Lesa meira

Mikil fækkun hefur orðið á mink í Eyjafirði í sérstöku veiðiátaki á vegum umhverfisráðuneytisins, sem nær til tveggja svæða. Einnig hefur mink fækkað á hinu svæðinu, Snæfellsnesi, en ekki jafn hratt. Lesa meira

Snjóflóðavarnargarðar fyrir ofan Siglufjörð voru vígðir fyrr í þessum mánuði. Um er að ræða fimm þvergarða og einn leiðigarð ofan byggðarinnar sem eiga að tryggja öryggi Siglfirðinga gagnvart snjóflóðum. Lesa meira

Svandís Svavarsdóttir umhverfisráðherra hefur skipað verkefnisstjórn til að vinna aðgerðaáætlun í loftslagsmálum. Við gerð áætlunarinnar verður stefnuyfirlýsing ríkisstjórnarinnar um samdrátt í losun gróðurhúsalofttegunda höfð að leiðarljósi.

Lesa meira

Svandís Svavarsdóttir umhverfisráðherra og eigendur Hoffells og Miðfells í sveitarfélaginu Hornafirði undirrituðu í gær samning um friðlýsingu fjalllendis á jörðunum við Hoffellsjökul. Svæðið verður hluti af Vatnajökulsþjóðgarði. Lesa meira

Svandís Svavarsdóttir umhverfisráðherra stýrði nýverið fundi norrænna umhverfisráðherra, sem haldinn var í Lúxemborg og átti auk þess fund með Andreas Carlgren, umhverfisráðherra Svíþjóðar, um beiðni íslenskra stjórnvalda um að Ísland verði þátttakandi í heildarfyrirkomulagi ESB um losun gróðurhúsalofttegunda.

Lesa meira

Svandís Svavarsdóttir umhverfisráðherra hefur skipað aðgerðateymi til að koma á átaki til að verja viðkvæma náttúru Reykjanesfólkvangs fyrir skemmdum af völdum aksturs utan vega og lagfæra þær skemmdir sem þegar hafa orðið. Yfirskrift átaksins er Á réttri leið á Reykjanesi.

Lesa meira

Sérfræðinganefnd hefur skilað umhverfisráðherra skýrslu um tæknilega möguleika á að draga úr útstreymi gróðurhúsalofttegunda í mismunandi geirum samfélagsins og þann kostnað sem þeim fylgir. Möguleikar eru fyrir hendi í öllum geirum og margir myndu reynast fjárhagslega hagkvæmir. Lesa meira

Svandís Svavarsdóttir umhverfisráðherra mælti fyrir þingsályktunartillögu um náttúruverndaráætlun 2009-2013 á Alþingi í dag. Lagt er til að þrettán svæði verði friðlýst á tímabilinu. Þar á meðal er gert ráð fyrir að friðlandið í Þjórsárverum verði stækkað og friðun þess lokið sem fyrst. Lesa meira

Svandís Svavarsdóttir umhverfisráðherra hefur heimsótt stofnanir umhverfisráðuneytisins á undanförnum dögum. Hún hefur nýtt heimsóknirnar til að ræða við starfsfólk þeirra og til að kynna sér starfsemi stofnananna og framtíðarhorfur. Lesa meira

Íslensk stjórnvöld vilja draga úr losun gróðurhúsalofttegunda um að minnsta kosti 15% til 2020. Í næstu viku tilkynna Íslensk stjórnvöld í fyrsta sinn á alþjóðavettvangi að þau séu tilbúin að taka á sig skuldbindingar um að draga úr losun gróðurhúsalofttegunda. Lesa meira

Aðildarríki Stokkhólmssamningsins hafa fallist á þýðingarmikið samkomulag um að banna níu þrávirk lífræn efni til viðbótar við þau tólf efni sem þegar hafa verið bönnuð. Þetta var niðurstaða fjórða aðildarríkjafundar samningsins sem haldinn var í Genf fyrir skömmu. Lesa meira

Norðurlöndin munu styrkja stöðu sína sem brautryðjendur á sviði umhverfistækni. Þetta ítrekuðu norrænu umhverfisráðherrarnir á fundi sem lauk í dag. Íslendingar fara með formennsku í Norrænu ráðherranefndinni í ár og því var Svandís Svavarsdóttir umhverfisráðherra gestgjafi fundarins. Lesa meira

Hafdís Gísladóttir, verkefnastjóri hjá Umboðsmanni barna, hefur verið ráðin aðstoðarmaður Svandísar Svavarsdóttur umhverfisráðherra.

Lesa meira

Svandís Svavarsdóttir tók við embætti umhverfisráðherra í dag af Kolbrúnu Halldórsdóttur sem gegnt hefur embætti umhverfisráðherra síðan 1. febrúar 2009.

Lesa meira

Haldið var upp á alþjóðlega farfugladaginn á Álftanesi í gær. Fjöldi fólks tók þátt í gönguferð og fuglaskoðun og í Álftanesskóla var boðið upp á leiðbeiningar um fuglaljósmyndun og ýmsar upplýsingar um fugla, ferðir þeirra og farleiðir. Þetta var í fyrsta skipti sem haldið er upp á daginn hér á landi. Lesa meira

Ísland tók við formennsku í vinnuhóp Norðurskautsráðsins um vernd lífríkisins (CAFF) á ráðherrafundi Norðurskautsráðsins, sem haldinn var í Noregi fyrir skömmu. Ævar Petersen, fuglafræðingur hjá Náttúrufræðistofnun Íslands, er nýr formaður vinnuhópsins. Lesa meira

Íslenska Gámafélagið hlaut Kuðunginn, umhverfisviðurkenningu umhverfisráðuneytisins, sem var afhentur á málþingi um græn störf á Degi umhverfisins. Við sama tækifæri voru nemendur úr Snælandsskóla og Grunnskóla Siglufjarðar útnefndir varðliðar umhverfisins. Lesa meira

Kolbrún Halldórsdóttir umhverfisráðherra tók fyrstu skóflustunguna að Gestastofu Vatnajökulsþjóðgarðs á Skriðuklaustri í dag og undirritaði við það tækifæri reglugerð um stækkun þjóðgarðsins til norðurs. Lesa meira

Umhverfisráðuneytið mun styðja uppbyggingu og rekstur upplýsingamiðstöðvar á Álftanesi samkvæmt viljayfirlýsingu sem Kolbrún Halldórsdóttir umhverfisráðherra skrifað undir í dag. Miðstöðin verður hluti af fyrirhuguðu menningar- og náttúrufræðisetri. Lesa meira

Í kjölfar tillögu Kolbrúnar Halldórsdóttur umhverfisráðherra um að framkvæmdum við ofanflóðavarnir verði hraðað, hefur ofanflóðanefnd óskað eftir heimild til að bjóða út framkvæmdir við varnargarða í Neskaupstað og í Ólafsfirði. Ætla má að framkvæmdirnar skapi hátt í 200 ársverk. Lesa meira

Fimm svæði innan marka Hafnarfjarðar voru friðlýst í dag. Aldrei áður hafa svo mörg svæði verið friðlýst í sama sveitarfélaginu í einu. Þrír fólkvangar og tvö náttúruvætti voru friðlýst til útivistar og verndunar á lífríki og hraunmyndunum. Lesa meira

Kolbrún Halldórsdóttir umhverfisráðherra og Steingrímur J. Sigfússon fjármálaráðherra undirrituðu stefnu um vistvæn innkaup í dag. Ríkisstjórnin samþykkti stefnuna á fundi sínum í morgun. Í stefnuninni er sagt fyrir um hvernig samþætta á umhverfissjónarmið innkaupum hjá ríkinu. Lesa meira

Ellefta landsráðstefna Staðardagskrár 21 á Íslandi var sett í Stykkishólmi í dag. Kolbrún Halldórsdóttir umhverfisráðherra sagði í setningarávarpi að mikið hefði áunnist á þeim tíu árum sem liðin eru frá því að Staðardagskrárstarfið á Íslandi hófst fyrir alvöru. Lesa meira

Kolbrún Halldórsdóttir umhverfisráðherra hefur skipað starfshóp til að kanna rekstrargrundvöll félagasamtaka á sviði umhverfismála við breyttar efnahagsaðstæður og til að leggja fram tillögur um hvernig efla megi starfsemi og fjárhag félaganna til frambúðar.

Lesa meira

Kolbrún Halldórsdóttir umhverfisráðherra hefur skipað starfshóp til að undirbúa fullgildingu Árósasamningsins hér á landi. Verkefni starfshópsins er m.a. að gera tillögu um hvernig best sé að tryggja almenningi aðgang að réttlátri málsmeðferð við fullgildingu samningsins. Lesa meira

Kolbrún Halldórsdóttir umhverfisráðherra stýrði morgunverðarfundi norrænu umhverfisráðherranna, sem haldinn var í Brussel á mánudag. Þá átti hún fund með sænska umhverfisráðherranum um formennsku Svíþjóðar í ESB á síðari helmingi ársins.  Lesa meira

Kolbrún Halldórsdóttir umhverfisráðherra sat nýverið sinn fyrsta samráðsfund með félagasamtökum á sviði umhverfismála. Meðal annars var fjallað um fullgildingu Árósasamningsins og loftslagsmál.

Lesa meira

Úthlutunarnefnd á vegum umhverfisráðuneytisins óskar eftir tilnefningum um fyrirtæki eða stofnanir, sem vegna verka sinna og athafna á síðasta ári, er þess verðugt að hljóta umhverfisviðurkenningu umhverfisráðuneytisins, Kuðunginn fyrir árið 2008 Lesa meira

Ríkisstjórn Íslands hefur samþykkt tillögu Kolbrúnar Halldórsdóttur umhverfisráðherra um að Árósasamningurinn verði fullgiltur hér á landi. Samningurinn fjallar um aðgang að upplýsingum, þátttöku almennings í ákvarðanatöku og aðgang að réttlátri málsmeðferð í umhverfismálum.

Lesa meira

Nýr umhverfisráðherra, Kolbrún Halldórsdóttir, tók við embætti í dag af Þórunni Sveinbjarnardóttur sem gegnt hefur embætti umhverfisráðherra síðan 24. maí 2007.

Lesa meira

Þórunn Sveinbjarnardóttir umhverfisráðherra hefur undirritað friðlýsingu Vatnshornsskógar í Skorradal sem friðlands í samræmi við þingsályktun um náttúruverndaráætlun. Friðlýsingin var unnin í samvinnu við Skorradalshrepp og Skógrækt ríkisins.

Lesa meira

Umboðsmaður Alþingis hefur komist að þeirri niðurstöðu að afgreiðsla umhverfisráðuneytisins á stjórnsýslukæru Samtaka um náttúruvernd á Norðurlandi hafi ekki verið í samræmi við tímafresti sem settir eru í lögum um mat á umhverfisáhrifum. Ráðuneytið hyggst bregðast við áliti og tilmælum umboðsmanns með viðeigandi hætti.

Lesa meira

Umhverfisstofnun Evrópu hefur gefið út skýrslu um átta mikilvæg verkefni á vettvangi umhverfismála í Evrópu um þessar mundir. Í skýrslunni er m.a. fjallað um framrás Spánarsnigilsins og hugmyndir um strangari takmarkanir af hálfu Evrópusambandsins á losun loftmengandi efna . Lesa meira